MÊRDÎN - Zîndano Girewte yê Tîpê Lyî yê Kalkandere yê Rîze de 8 hepsîyan dest bi grevê vêşanîye yê bêdem-bêagêrayîşî kerd.

 

Zîndano Girewte yê Tîpê Lyî yê Kalkandere yê Rîze ra 8 hepsîyî tewrê çalakîya grevê vêşanîye ya bêdem-bêagêrayîşî ya ke bi waştişê wedartişê tecrîdê serê Rayberê Şarê Kurdî Abdullah Ocalanî yena viraştene, bîyî.

 

Hepsîyê ke 5ê Çile ra grevê vêşanîye de yê nameyê înan wina yê: Murat Şîmşek, Erdem Akti, Ozgur Eksîk, Şîyar Kara, Orhan Şeker, Huseyin Yildiz, Mustafa Turkan û Veysel Guler.

 

Çalakîya hepsîyan kewte roja 17ine û çalakî dewam kena.