MINBIC - Cinîya bi nameyê Fitêm Hac Ehmed El-Hesanî ya ke lajê aye xoverdayoxê Minbicî yo wina va: "Oxirê azadîye de parçeyêke ganê mi ra vindî bi. Ez serberz a ke beşdarê karwanê mayê Şehîdan bîya."

 

Serrî xelisnayîşê Minbicî ser derbaz bî la dej û xemê ke cinîyan çeteyê DAÎŞî ra antî hîna nêameyê xovîrrakerdiş. Heto bîn ra xoverdayoxê ke oxirê azadîya Minbicî de cuya xo vindî kerdî hetê mayanê xo ra yenê vîrardiş. Cinîya bi nameyê Fitêm Hac Ehmed El-Hesanî ya ke 70 serrî ya lajê aye xoverdayoxê Minbicî yo arde ziwan ke tu hesret sey hesretê domanan nîyo û wina va: "Lajê mi vera DAÎŞî vera dişminê merdimayî xo ver da. O kewt mîyanê kerwanê rûmetî. O do her wext zerrîya ma de bo."

 

'Ciwanê Kurdan ma azad kerd'

 

Fitême wina va: "Wehşetê ke şarê Minbicî ra ame kerdene, qetî nîno xovîrrakerdiş. Îşkence û zulmê ke bi taybet cinîyan rê ameyne kerdene, hîna hişê ma de teze yo. Cinî hepisxaneyan de ameyî tecawizkerdiş. Xeylê cinîyan recm kerdî. La ciwanê Kurdan ma nê zulmî ra xelisnayî. Ciwanê Kurdan ma azad kerdî. Xêrê înan rê ma nefesêke rehet ancenê."

 

'Oxirê azadîye de parçeyêke ganê mi vindî bi'

 

 

Fitême tewr peyîn wina va: "Oxirê azadîye de parçeyêke ganê mi vindî bi. Ez serberz a ke beşdarê kerwanê mayê Şehîdan bîya. Lajê mi vera DAÎŞî vera dişminê merdimayî xo ver da. O kewt mîyanê kerwanê rûmetî. O do her wext zerrîya mi de bo."