ŞIRNEX - Şirnexo ke bi kultur û tarîxê xo yeno zanayîş, awanîyê yê tarîxî bi xetereyê çinbîyayîşî dir ameyo rî bi rî. Yew nê awanîyan ra zî medereseya ke hetê zanyarê Kurdan Feqiyê Teyran ra ameya awankerdiş a.

 

Şirnexo bi kultur, tarîx û xoza xo bale anceno, Koyê Cudî, bajaro antîk, şikefte û warê tarîxî rê wayîrî kerdo. Bajaro ke hetê tarîxî ra bale anceno nika bi xetere dir rî bi rî yo. Medreseya Feqiyê Teyran, Xerabeyê Kasrîk, Pirda Kerra binê rîskê çinbîyayîşî de yê.

 

Medrese ra tena dêsî mendî

 

Medreseya Feqîyê Teyranî a Dewa Keraşînî Guçlukonakê yê Cizîrî de ya, her kesî şaş verdena. Tena dêsê medrese serê lingan de menda. Mederese hetê zanyarê Kurd û temsîlkarê edebîyatê şarî ê tasavvufî Feqîyê Teyran ra ameya awankerdiş. Seba bêxizmetkerdiş xira bîya.

 

Bendeyê restorasyonî ya

 

Medrese hetê Mudirê Pêroyî yê Muze û Bîyayeyê Kulturî ê Wezaretê Kultur û Turîzmî ra nîna pawitiş, derbeyo tewr pîl serra 1990an de seba xebatê rayîrê beja girewto dîya ci. Seba viraştişê rayîrî beşêke pîl ê medresî xira bîya û dima ra zî nêameya restorekerdiş.

 

Heto bîn ra Cizîr de xeylê awanîyê ê tarîxî ver bi çinbîyayîşî yê. Yew înan ra zî xerabeyê Kasrîkî yo. Xerabe wextê  Asuriyan mendo û texrîbatêke pîl dîyo. Heto bîn ra awbendê awe ê Oren Yerî, pird û berardişê bajarê antîk zî ver bi çinbîyayîşî yê.