Sîlva El-Ibrahîm

 

MINBIC - Cinîyê Minbicî vera hêriş û tehdîdê dewleta tirkan ê serê Rojhelat û Vakurê Sûrîye de nêrazîbîyayîşê xo ardî ziwan û vatî: "Ma tehdîdê dewleta tirkan ê dagirkere ra nêtersenê. Ma wazenê bajarê xo îdare bikerê. Ma do nêverdê dagirkerî biresê amancê xo."

 

Tehdîd û hêrişê dewleta tirkan serê Rojhelat û Vakurê Sûrîye dewam kenê. Têkilîyê babete de cinîyê Minbicî qisey kerdî û vatî: "Ma tehdîd û hêrişê dewleta tirkan ê serê Sûrîye qebul nêkenê. Ê tena berjwendîyê xo fikrîyenê. Ma do destûr nêdê ke dewleta tirkan hêrişê ma bikero."

 

'Bi tehdîd û hêrişan yeno waştiş ke şîdet tewr xurt bibo'

 

Temsîlkara Hembendîyê Welatê Demokratîk yê Sûrîye ê Minbicî Mûna Xelefe va: "Tehdîd û hêrişê dewleta tirkan tesîrêke negatîf serê yewîye û têkoşînê ma nêkero. Bi tehdîd û hêrişê ke yenê waştiş şer tewr xurt bikerê. Wazenê koçberî, talankerdiş û îşkence bêrê reynakerdene. Yewî, têduştî û demokrasî ke Minbic û heme bajarê Rojawan de yeno awankerdiş, dewleta tirkan aciz keno. Qaşo binê nameyê demokrasî de dewleta tirk, dişminîyê heme şaran kena û tena berjewendîyê xo fikrîyena."

 

'Ma do nêverdê dagirkerî biresê amancê xo'

 

Endama Buroyê Cinîyan ê Partîya Sûrîye Ameyoxî Seher El-Ewde wina va: "Erdogan bi tehdîd û hêrişê xo wazeno ke gonî birejno û qirkerdişê neweyan virazno. Şarê Minbicî tehdîdê dewleta tirkan ra bêrazî yê. Tehdîd û hêrişî do wêrankerdişêke newe xo dir bîyaro. Ganî heme kes vera nê wirzê û qebul nêkerê. Demokrasî, têduştî û yewîya şaran bi tehdîd û hêrişan hedef yenê girewtiş. Ma zî tehdîdê dewleta tirkan ê dagirker ra nêtersenê. Ma wazenê bajarê xo bi xo îdare bikerê. Ma do nêverdê dagirker biresê amancê xo. Ma tehdîd û hêrişê dewleta tirkan ê serê Sûrîye qebûl nêkenê. A tena berjewendîyê xo fikrîyena. Ma do destûr nêdê ke dewleta tirkan hêrişê ma bikerê."