AMED - Bajarokê Çarikli ê Sûrî yê Amedî camêrdê bi nameyê Fîkret E û Turan E. keyeyê xo ra domana bi nameyê D.T îstîsmar kerdî û her di kesî pêwa ke sucê îstîsmarî ameyne muhakemekerdene zî ameyî veradayîş. Eynî wextî de dadgehe îfadeyê domane esas nêgirewtî û domana wargehê girêdayê Wezaretê Xizmetê Komelî, Keyeyî û Xebate amî bicakerdiş, uca ra amî girewtiş û dayî keyeyî.

 

Bajarokê Çarikli yê Surî domana bi nameyê D.T hetê kesê keyeyê aye bi nameyê Fîkret E. û Turan E. rê rastê îstîsmarê zayendî amî. Dimayê ke domane hedîse mamosteyê xo ra va hedîse vejîya meydan. Domane va ke tarîxê cîya de hetê Fîkret E. û birayê aye Tura E. û keyeyî ra di kesî bîn aye îstîsmar kerdê.

 

Domane dîyar kerde ke înan telefonê 155an kerdê û înan ra vatê ‘kesêke şima ra bawer keno ra qalî bikerê û dima ra reyna muracat bikerê'. Serê vatişê domane îdareyê wendegehî zanayîş da polîsan û keyeyê domane eştî serê wendegehî û  mamoste tehdîd kerdî.

 

Camêrdê gumanbar serbest ameyî veradayîş

 

Dimayê ke polîsan zanayîş girewtî domane berdî Merkezê Takîbkerdişê Domanan (ÇÎM) û Fîkret E. û Turan E. ameyî tepiştiş û bi şertê kontrolê edlî ameyî veradayîş. Domane zî wargeh de amî bicakerdiş.

 

Dozgerîya Komara ya Amedî îdianame amade kerd û îdianame hetê Yewin Dadgeha Cezaya Giran ê Amedî ra ame qebulkerdiş. 16ê teşrîna 2018an de gumanbar vejîyayî vernîya dadgere.

 

Domane îfadeyê xo ant, wargeh ra amî girewtiş

 

Gumanbaran sucdarî red kerd û domane zî îfadeyê xo yê verê peyser ant. Vejîya meydan ke domane wargeh ra ameya girewtiş û teslîmê keyeyî ameya kerdene.