Sîvîliya El-Ibrahîm

 

MINBIC - Cinîya têkoşer ê Minbicî Letîfa Mihemede derheqê tehdîdê dewleta tirkan de da zanayîş ke do heta peynî bipawê û va: "Seba pawitişê Minbicî çi destê ma ra bêro ma do bikerê. Do xeyalê faşîstan ê seba îşgalkerdişê Efrînî bi ca nêro."

 

Tehdîd û hêrişê dewleta tirkan vera Rojhelat û Vakurê Sûrîye dewam keno. Derheqê hêrişan de cinîya têkoşer ya Minbicî û bi nameyê Letîfa Mihemede qisey kerde û va: "Ma sey şarê Minbicî têkoşînê seba demokrasî û têduştî danê. Vera tehdîd û zulmê dewleta tirkan ma do heta peynî xo bipawê."

 

'Ma do heta peynî rûmetê xo rê wayîr vejîyê'

 

Letîfaye da zanayîş ke verê Minbic bêro xelisnayîş, şarî zehmetîyê tewr pîl dîyê û wina va: "Ez, pî û birayê xo ma heme têkoşînê vera faşîzmî û îşgalkerdişî pîya danê. Ez zaf kêfweş a ke parçeyêke xoverdayîşî ya. Pawitişê herra xo ya vera îşgalkerdoxan seba ma rûmet o. Ma do heta peynî rûmetê xo rê wayîr vejîyê."

 

'Seba pawitişê Minbicî çi destê ma ra bêro ma do bikerê'

 

Letîfaye qiseykerdişê xo wina qedêna: "Ez wazena ke heme cinîyê ke destê çeteyan de yê bêrê xelisnayîş Ma seba nê xebat û têkoşînê xo dewam kenê. Seba pawitişê Minbicî çi destê ma ra bêro ma do bikerê. Do xeyalê faşîstan ê seba îşgalkerdişê Efrînî bi ca nêro. Ma sey şarê Minbicî têkoşînê seba demokrasî û têduştî danê. Vera tehdîd û zulmê dewleta tirkan ma do heta peynî xo bipawê."