ŞIRNEX - Vejîya raşte ke bajarokê Findikli yê Basanî de tay adresanê lîsteyê weçînitoxan ameyî daliqnayîş de awanîyê veng sey axur yenî xebetnayîş.

 

Bêusûlîya ke bîya berdî Heyetê Weçînayîşî ya qeza û ame îdîakerdiş ke tay qeydê weçinitoxan piro ameyî berdiş. Weçînayîşê herêmî yê 31ê Adare ra ver bêusûlî vejîya raste. 

 

Axur û pînikê kergan zî ramojnayî

 

Bajarokê Finiklî yê Basanî yê Şirnexî de lîsteyê weçinitoxan ameyî dalinayîş. 2 serrî verê qayum tayînê şaredarîya bajarokî bibî. Weçînitoxan ra xeylê ci HDPyî yî. Ame zanayene ke xeylê adresanê ke lîste de yî, axur ya zî pînikê kergan î. Badê ke lîste ameye daliqnayîş namzedê AKPyî lîste pêşnîyazê Komîsyonê Weçînayîşî kerd û çîyo balkêş oyo ke hûmara weçinitoxan hûmara nufusê qeza ra hîna zêde vejîya.

 

 Dewijî serê hedîse de vindetî û vetî raşte ke axur û pînikê kergan zî sey adresê weçînitoxan nîşan dayî. Nê cana de mabenê 10-20 weçînitoxan nîşan dayî. Badê hesîyayîşê hedîse rewşe Heyetê Weçînayîşî yê Qeza rê ame resnayîş. Namzedê sewbîna partîyan zî îtiraz kerdî û seba betalkerdişê lîste waştişname erşawitî.