
Çalakîya Leyla Guvene roja 67ine de ya 

2019-01-13 14:34:52


	&nbsp;

	MERKEZÊ XEBERAN - Hemseraka KCDyî Leyla Guvena ke 67 rojî yo seba wedartişê tecrîdê serê Rayberê Şarê Kurdî Abdullah Ocalanî grevê vêşanîye yê bêdem-bêgêrayîşî de ya, rewşa aye giran biya û nêeşkena avukatanê xo dir pêdîyayîş virazo.

	&nbsp;

	Avûkatê hemseraka KCDyî û parlamentera HDPyî Leyla Guvena ke 67 rojî yo seba wedartişê tecrîdê serê Rayberê Şarê Kurdî Abdullah Ocalanî grevê vêşanîye yê bêdem bêgêrayîşî de ya, vizêr şîyêbî Zîndanê Tîpê Eyî yê Amedî la bi sebebê rewşa weşîya aye pêdîyayîş nêviraştbi.

	&nbsp;

	Waştişê Leyla Guvene çi yo?

	&nbsp;

	Leylaye dîyar kena ke heta tecrîdê serê Rayberê PKKî Abdullah Ocalanî nêwirzo do çalakîya xo dewam bikera û wina va: "Ewro xeylê lazimî bi Ocalanî dir esto. Mesajê ey ke yeno zaf girîng o. Ganî bi keye û avûkatan dir pêvînayîş bikero. Waştişê Leylaye o yo ke tecrîdo giran peynî bibo."

	&nbsp;