
2 serrî dima Nisêbîn de seba 342 awanî do pişke bêra antiş 

2019-01-12 09:16:01


	&nbsp;

	MÊRDÎN - Nisêbîn de dimayê qedexeyê tebervejîyayîşê kuçeyan de heme keyeyî ameyî rijnayîş. Vera keyeyê ke ameyî rijnayîş, TOKÎ ameyî viraştiş û awanî ameyê temamkerdiş û 2 serrî ra dima do roja dişeme pişka înan bêra antiş.

	&nbsp;

	Nisêbînê Mêrdînî de dimayê qedexeyî 6 taxê ke ameyî rijnayîş, TOKÎ ameyî awankerdiş û pişka TOKÎyê ke 2 serrî yo ameyê temamkerdiş zî do roja dişeme akerdişê înan bêro kerdene. Ame vatiş ke do pişka 342 awanî û 36 kargerîyê bazirganî yê etabê 4in ê taxa Firatî de bêro antiş.

	&nbsp;

	Etabê bîn hema xebatê 6 hezar û 140 awanî temam nêbîyê. Prosesê viraştişê înan de varan û şertê derûdorî tesîr kerd. Seba şilîye ke vara bi desan rey sîwana înan dilop kerd û prosesê viraştişî de reyna ameyî kontrolkerdiş û viraştiş.

	&nbsp;

	Seba pêameyîşî lebate yena kerdene ke keyeyî bêrê îknakerdiş

	&nbsp;

	Komîsyonê pêameyîşî nika seba îknakerdişê keyeyan metodê cîya ceribneno. Îzahato ke verê ameyo dayîş de ame vatiş ke taxê Abdulkadîrpaşa, Firat, Yenîşehîr, Dîcle, Kişla û Zeynel Abîdîn ersayê veng de xebat ameyê kerdene.

	&nbsp;

	Xeylê etabê ke qedîyayê û 2 serrî yo nêameyê teslîmkerdiş do 14ê Çele roja dişeme saete 10an de pişka înan bêra kerdene.

	&nbsp;