Mugla de namzeda cinî ya yewine 

2019-01-11 13:04:34


	 

	MUGLA - Zerrîn Yilmaza ke merkezê Mugla de yewin namzeda cinîyan ê keyayîya dîyar kerde ke keyayî ke sey karê camêrdan yena zanayîş, camêrdî zêde serkewte nêbenê û va “Morê xo gênê û nîmeyê rojî xebityenê. Ez namzetda keyayî ya heme rojî ya."

	 

	Yewin namzeda keyayîye ê Muglayî Zerrîn Yilmaz a. Zerrîn Taxa Karamehmet bî namzede û dîyar kerde ke bi serran o camêrdan mor kerdo cêbe xo û nîmeyê rojî xebityenê. Zerrîne va do ramojnê ke cinî senîn keyayîye kenê.

	 

	Zerrîna ke dimayê zewicyena, demêke nêxebityena. Vernê de piştdayîş da karê mêrdeyê xo û dima ra zî xo rê butîk akerde. Zerrîne dimayê butîkî, cayê kargerîya mêrdeyê xo sanayîyê parçeyê wesayîtan de dest bi kar kerde û va: "Ez her wext na bawerîye da ke cinî eşkenê karê ke camêrdî kenê de bixebityê. Keyayîye zî sey karê camêrdan yena zanayîş. La keya seba problemê cinîyan nêbenê cewab. Ez wazena xizmet hem bidî cinîyan û hem zî bidî camêrdan zî." 

	 

	Zerrîne arde ziwan ke yewin namzeda cinîya keyayîye ê Muglaye ya û va her karê ke cinî mîyan de yê cîya yo û va: "Zaf problemê taxe estê. Bazarê taxe çin o. Warê kultur û komelî qels ê. Ocaxa weşîye çin a. Cinîyê ke xebityenê, nêzdîyê keyeyê xo de kreşan wazenê. Ekîba mi de 4 cinî û 4 camêrdê aza estê. Ma her roj keye bi keye geyrenê û reaksîyonî pozîtîf ê."