
Gulten Kayaye: Ganî Tirkîye raştîya xo reyde rî bi rî biba  


2019-01-10 13:55:54


	STENBOL- Promiyera kayê tîyatroyê bi nameyê ‘Hep sonradan (Timî dima ra) bajarê Stenbol de ame kaykerdiş. Gulten Kayaye badê kayî qisey kerde û va: “Ganî Tirkîye raştîya xo ya sirgun, zindan, grevê vêşanîye, kesê vindbîyaye û qetilkerdişê nedîyarî reyde rî bi rî biba.”

	&nbsp;

	Promiyera kayê tîyatroyê bi nameyê ‘Hep sonradan (Timî dima ra) ke vîrardişê Ahmet Kaya û tay beşê cuya ci rap ê yeno, bajarê Stenbolî UNIC Hallê yê Maslakî de ame pêşandayîş. Tewrê Hemsereka Partîya Demokratîke ya Şaran (HDP) Pervîn Buldane, Hemsereka Stenbolî ya HDPyî Esengul Demîr, cinîya Ahmet Kaya Gulten Kaya û bi seyan kesî tewrê promiyera ke ame pêşandayîş bîyî.

	&nbsp;

	Gulten Kayaya ke badê kayî qisey kerde û hîssanê xo arde ziwan ser û wina va: “Ma tarîxêko nizdî de hîkayeyê ke çimanê ma ver de ameyî cuyayîş temaşe û goşdarî kerde. Çîyê ke ma vanî û ma nêkenî vera ma na rewşe de yî. Ganî Tirkîye raştîya xo ya sirgun, zindan, grevê vêşanîye, kesê vindbîyaye û qetilkerdişê nedîyarî reyde rî bi rî biba. Nê raştî raştîyê welatî yî.”

	&nbsp;

	Kayê tîyatro 2 saet û nêmî dewam kerd û temaşekerdoxî bi saetan lingan ser de çepikay kutî.&nbsp;