
'Badê grevê vêşanîye zindanan de zext zêdîya' 

2019-01-10 13:22:37


	&nbsp;

	BALIKESÎR - Roj çin a ke zindananê Tirkîye ra xebera binpaykerdişê heqan nêra. Keyeyê ke şîyî Zindanê Tîpê Tyî yê Bandirma dîyar kerdî ke Bandirma de hemverê merdimîye de îşkence pê yeno û veng dayî heme kesan ke vengê hepsîyan bieşnawî.

	&nbsp;

	Zindanê Tirkîye bi zilm, îşkence, teda û binpaykerdişê heqan rojeve ra nêkewenî. Qedexekerdişê pêvînayîşê keyeyan ra bigêr heta heqê pêvînayîşê bi telefonî heme çî seba hepsîyan yeno qedexekerdiş. Goreyê malumatê ke zindanê Bandirma ra bi rayîrê pêvînayîşê bi telefonî yê keyeyan ameyî hepsîyê ke seba şiknayîşê tecrîdî kewtî grevê vêşanî ameyî derbkerdiş. Keyeyê ke şîyî pêvînayîşê domananê xo zî dayî zanayene ke domanê înan vatî ‘heta ke ma benî nêweşxane zî îşkence bi ma kenî û bi hawayo sîstematîk her roje wextê hûmartişî de îşkence yeno kerdiş.’

	&nbsp;

	'Hepsî wazenê ke vengê înan bêro eşnawitiş'

	&nbsp;

	Keyeyo ke şîbî pêvînayîşê domanê xo û raştê astengîyan ame wina va: “Ma 3 aşman de reyêk şonî pêvînayîşê domanê xo. Ma raştê cigêrayîşo ke teberê merdimîyeyo yenî. Gama ke ma reaksîyon nîşanê nê caardişan yenî gardîyanî ma bêveng kenî û vanî ‘Şima xayînb î, çîyê ke yenî serê şima hema tay î’ û ma tehdît kenî. Zindanê Bandirma de îşkende û binpaykerdişê heqan resayîş merheleyêka tewr berzî. Qasê ke domanê mi va; wexto ke hepsîyan benî pêvînayîşê telefonî zî înan derb kenî. Wexto ke ma şîyî pêvînayîş zî îşkenceyo ke yeno kerdiş ma dî. Rîyê hepsîyan sîya bî û maseye bî. Qawişê hepsîyê sîyasî de hepsîyo ke mezgê xo ra astengdar o zî esto. Cayê o merdimî zindan nîyo nêweşxane yo. No wîjdanêko senîn o? O zî ameybî derbkerdiş û rîyê ci îşkence vera nêasayêne. Seba ke dermanê ci nînê dayîş hêrişê hepsîyan keno. Na rewşe tehluke ya. Ganî îşkenceyê serê hepsîyan peynî bibo. Hepsî wazenê ke vengê înan bêro eşnawitiş.”

	&nbsp;

	'Keyeyê hepsîyan veng dayî'

	&nbsp;

	Sewbîna heme zindanê Tirkîye de seba wedarnayîşê tecrîdê serê Rayberê PKKyî Abdullah Ocalanî û şermizarkerdişî 9 kanûne de grevê vêşanîye dîyabî dest pêkerdiş. Badê dest pêkerdişê grevê vêşanîye hêrişê serê hepsîyan zêdîyayî. Keyeyê hepsîyan dîyar kerdî ke seba ke grev bêro şiknayîş hêrişê hepsîyan yeno kerdiş. Keyeyî veng dayî heme kesan ke hemverê îşkenceyê zindanan de bêveng nêmanî.&nbsp;

	&nbsp;