Binê nameyê 'dekorasyonî de' daran kenê qurban  

2019-01-09 13:40:34


	 

	WAN - Serrê peyînan de kafeyan de xeylê hacetê ke daran ra ameyê viraştiş, yenê xebitnayîş. Xeylê aksesuarê ke daran ra ameyê viraştiş, kafeyan de sey dekoratîf yenê xebitnayîş. Binê nameyê dekorasyonan de daran kenê qurban.

	 

	Modernîteyê kapîtalîst ke xoza kerdê warê rantî, her serre binê nameyê polîtîkayê asayîşî de bi hezaran hektar warê daristanan yenê çinkerdiş. Tirkîya de warê daristanan zirarêke pîl vînenê, wextê peyîn de kafe û restorantan de darê ke ameyê xebitnayîş, bale ancenê. Her çiqas seba xoza û başbîyayîş text bêrê teşwîqkerdiş zî destê modernîte de bîyê hacet.

	 

	Wan de xeylê cayê ke ameyê akerdiş, seba dekorasyonî aksesuarê ke daran ra ameyê viraştiş, ca gênê. Darê gozan ra saet, avîze, tablo û xeylê çî yê bîn ameyê viraştiş nê cayan de ca gênê. Serê textan de şîîrî ameyê nuştiş. Keyan de trendê dekorasyonê baxçe, mutbex û salonan her ke şinê zêde benê û seba nê zî darê ke hezar serre yê benê qurban.