Selma Gurkane: Cewabê îqtîdarî do şar bido 

2019-01-07 09:21:11


	 

	ENQERE - Sereka Pêroyî ya EMEPî Selma Gurkane dîyar kerde ke ê do vera nêzdîbîyayîşê YSKî ke EMEPî mîyanê partîyê ke kewenê weçînayîş de ranêmojnayê do îtîraz bikerê û wina va: "Weçînayîşan de ganî bi ferasetê şaredarîya şarî dir hemkarî bêro kerdene û do cewabê îqtîdarî şar bido. Ma fikrîyenê ke demokrasî bi platformê hempar û bi namzedê hempar ê platformî şêrê weçînayîşan. Ma nê esasî de xebatan meşnenê."

	 

	Heyetê Weçînayîşê yê Berz (YSK) da zanayîş ke do 13 partî bikewê weçînayîş û Partîya KEDî (EMEP) û Partîya Piştdayîşê û Azadî (ODP) ke muracat kerdibî lîste de ca nêgirewtî. Sereka Pêroyî ya EMEPî Selma Gurkane dîyar kerde ke do îtîrazê qerarî bikerê û qerar û weçînayîşê mintiqa şîrove kerde.

	 

	'Heta merkezan de teda bibê do mintiqan de demokrasî zî çinbo'

	 

	Selmaye arde ziwan ke qerar kêfî û bêhuqûqî yo û wina va: "Vera astengiyê înan vetî vernîya ma, ma bi zor û zehmetî 41 bajarî teşkîlatê xo temam kerd. La ma nêeşeknê bikewê weçînayîşan. Sebebê nê zî o yo ke 3 qezayan qeymeqamtîyan belge nêeşrawitê dadgerî. Bêguman xoserbîyayîşê îdarekerdişê mintiqa estê la merdim nêeşkeno sîyaset û îdareyê merkezî cîya şîrove bikero. Heta ke merkezan îqtîdarêke sîyasî yê tedayîn û otorîter bibo demokrasî do nêro meydan."

	 

	'Namzedê hempar girîng ê'

	 

	Selmaye da zanayîş ke seba nê tewr girîng o ke hêzê demokrasî û kede ferasetê şaredarîya şarî ê demokratîk de bibê yew û bi namzedê hempar şêrê weçînayîşan. Selmaye arde ziwan ke bi nê yewî do îmkanê têkoşînê vera qedexe, teda û barê krîzî awan bikerê.

	 

	'Îqtîdar sînyalê do bêûsûlî ra dûr nêmano da'

	 

	Selmaye da zanayîş ke ferasetê şaredarî yê îqtîdarê xo siperneno rant, talan û mutehatî, dizdîyê îhale û wina va: "Îqtîdar hewl dano ke se beno wa bibo do weçînayîş bidest bikero. Coka sînyalê ke do qetî fek bêûsûlî vera nêdo da. HDP do bajarê Kurdan de şaredarîyan qayûmî ra bigîro û destkewtişê xo tewr zêde bikero.