Dewaya Nisêbînî de domanê ke yenê muhakemekerdiş reyna nêameyî veradayîş 

2019-01-04 13:43:46


	 

	MÊRDÎN - Qezaya Nisêbînî de wextê “qedexeyê tebervejîyayîşê kuçeyan" de 17 domanî ameybî tepiştiş û her yew înan bi 76 rey bi cezaya hepsî yê “muebeto giran” yenê muhakemekerdiş, roniştişê 6in de vejîyayî vernîya dadgerî û reyna nêameyî veradayîş. Qerar ame dayîş ke dewaya 18ê Sibate de bêra vînayîş û 17 domanî yenê muhakemekerdiş zî bîyarê dadgeh.

	 

	Qezaya Nisêbînî yê Mêrdînî de wextê “qedexeyê tebervejîyayîşê kuçeyan" de 17 ci ra doman taxe ra 75 kes ameybî vetiş û 17 domanê ke ameybî vetiş ameybî tepiştiş û tewqîfkerdiş. Roniştişê 6in ê dewaya domanan de 4in Dadgeha Cezaya Giran ya Mêrdînî de amî vînayîş. Domanê ke nêardî dewa bi rayîrê SEGBÎSî beşdarê dewa bî.

	 

	Avûkat û keyeyê domanan zî dewa taqîb kerdî. Muhakemekerdiş seba ke emrê domanan qij o çapemenîye rê padeye ame kerdene. Avûkatan zî pawitişê miwekilanê xo kerdî û roniştiş vernî de çîyê ke vatibî tekrar kerdî. Avûkatan waştî ke miwekîlê înan serbest bêrê veradayîş.

	 

	Dadgehe qerarê dewamê tepiştişê domanan waşte û dewa taloqê 18ê Sibate amî kerdiş. Eynî wextî de dadgehe qerar da ke roniştişê dewa wexto ke bêro de bêro vînayîş û 17 domanî zî dadgehe de amade bê.