Têkoşînê cuya cinîya armenî ke qirkerdiş ra xelisîyaya

2019-01-04 12:51:40


	 

	MÊRDÎN - Cinîya armenî ya bi nameyê Hatîce Denlî ya zî Ulrîka, emrê xo yê 4 serrî de domanî ya xo de, wexto ke bi keyeyê xo dir remenê, heme keyeyê aye yenê qetilkerdiş û aye tena qirkerdiş ra xelisîyena. Ulrîke ya ke keyeyê xo vindî kena, hetê keyeyêke dêrikî ra yena weykerdiş û pîlkerdiş.

	 

	Cinîya armenî bi nameyê Hatîce Denlî ya zî Ulrîka, wexto ke hema 4 serrî bîya bi keyeyê xo dir û komêke armenîyan dir seba xo Qirkerdişê Armenîyan ê 1915an xelas bikerê dewa Bankirî yê Şemraxê Mêrdînî ke wazenê derbaz bibê bi kome dir heme ferdê keyeyî aye yenê qetilkerdiş û tena Ulrîke manena. Ulrîke ya ke keyeyê xo ra aye tena menda, hetê keyeyêke Dêrikî yê Mêrdînî de yena weykerdiş û pîlkerdiş.

	 

	Hetê keyeyî ra Ulrîke ra Hatîce yeno vatiş

	 

	Ulrîke bi hawayêke hetê keso ke bi nameyê Letîfko ke bi qesabî debara xo keno û seba ke qesabî bikero şino dewa Balkirî û aye vîneno. Uca de Letîfko seba ke domanê ey çinbenê Ulrîkeye sey ewlad xo rê gêno û beno Dêrikî yê Mêrdînî. Dimayê ke Ulrîke bena ewlada keyeyî, kênaya înan bi nameyê Fatma zî yena dinya û Ulrîke û Fatma pîya yenê pîlkerdiş. La hetê keyeyî ra bi nameyê Hatîce yena dayîş.

	 

	'Ulkîre bi îmamî dir yena zewicnayîş'

	 

	Ulrîke ke hetê keyî ra bedêlê gonî de bi keso ke îmam o yena zewicnayîş û dima ra 3 domanê aye bi nameyê Nezîr, Sultan û Hatûn yenê dinya. Dimayê ke  domanê Ulrîke ya zî Hatîce pîl bena aye ra persê keyeyê kenê û nameyê aye rastî pers kenê. Hatîce ya ke wexto ke keyeyê aye qirkerdiş ra derbaz benê 4 serrî bîya vana ke nameyê aye rastîn Ulrîke bîya û keyeyê aye bi no name vendayê aye. Hatîce 90 serrî ya xo de cuya xo vindî kerda û serê vatişê tarîxê bîyayîşê aye zî 1915 ameyo nuştiş.