
Komiro xirab weşîya merdiman û xoza tehdîd keno 

2019-01-03 13:54:53


	&nbsp;

	WAN - Welatîyê taxê Wanî ke hema gazo tebîî taxe de çin o, seba krîzê ekonomî mecbur manenê ke komiro nêbaş bi xebitnê. Welatîyan dîyar kerdî ke no zî zirarêke pîl dano înan û xoza.

	&nbsp;

	Seba krîzê ekonomî, welatî lazimîyê xo yê sereyîn ê starbîyayîşî, wayîrvejîyayîşî û cil û belgan nêeşkenê peyda bikerê û aşmê zimistanî de zî yew lazimîyê xo yê tewr girîng ar û dû yo. Xeylê taxê Wanî hema xetê gazo tebîî çin o û coka zî şar mecbur o ke soba bixebitnê. La seba îmkanê ekonomî şar komiro tewr erjan gêno û no zî rayîr verê zirarêke pîl serê cuya merdiman û xoza virazneno.

	&nbsp;

	'Ez seba domananê xo bi endîşeyîn a'

	&nbsp;

	Şemsîhan Yacane ke taxa Hacibekîrî yê Îpekyolê Wanî de cuyena wina va: "Ma seba krîzê ekonomî mecbur ê ke erjan bigîrê. Ez seba domananê xo bi endîşeyîn a. La komir zaf vay o û ma nêeşkenê bigîrê."

	&nbsp;

	Şemsîhane wina va: "Seba lêşinbîyayîşê hewa ma nêeşkenê cilanê xo zî teber de rafînê. Hewayê Wanî cemidnayî yo. Coka ma her wext soba fînenê ta. Bi taybet şan de her ca binê dûmanî de maneno. Domanî wexto ke şinê mekteb, mecburê ke hewayê lêşin biancê. Dêsê ma heme sîya benê. Ma problemê weşî yê cidî cuyenê."

	&nbsp;