
'Domanî yenê mexdurkerdiş' 

2019-01-03 13:27:02


	&nbsp;

	Safiye Alagaş

	&nbsp;

	STENBOL - Domana 11 serrî, serrêke hetê merdimê xo ra rastê îstîsmaro zayendî yê sîstematîk amî, domane dimayê ke hedîse keyeyê xo ra qalî kerde zî keyeyî aye ra bawer nêkerd û berdî pedagog. Serê vatişê domane ke cigêrayîş ame kerdene, la na rey dadgehe ceza fîna war û tena 5 serrî û 6 aşmî ceza birna.

	&nbsp;

	Domana 11 serrî ke Stenbol de cuyena, mabêne 2016-2017an de hetê kesê bi nameyê M. yo 17 serre ke merdimê înan bi ra rastê îstîsmaro zayendî yê sîstematîk amî. Domane teşrîna verêne 2017an de hedîse keyeyê xo ra va û keye aye berd pedagogê Nêweşxaneyê Nêweşî û Weşîya Ruh ê Fakulteya Tipê Cerehpaşa yê Unîversîteya &nbsp;Stenbolî. Domane çîyê ke cuyabî qalî kerde û va 2016an de yewin rey rastê îstîsmaro zayendî yê M. ke merdimê dayîke aye bîyo ameya û na rewşe tarîxê cîya de dubare kerda.

	&nbsp;

	Beşê Nêweşxaneyê Nêweşî û Weşîya Ruh ê Fakulteya Tipê Cerehpaşa ê Unîversîteya &nbsp;Stenbolî de raporêke amade kerde û vejîya meydan ke domane rastê îstîsmarî ameya û ameya tehdîdkerdiş.

	&nbsp;

	Pî domane xo ra bawer nêkerd!

	&nbsp;

	Pêvînyîşê ke heyetî bi dayîke dir kerde, dayîke va aye kêna xo bawer a. La pêvînayîşê ke pî dir ame kerdiş de pî îdia kerd ke o kêna xo ra bawer nêkeno. M. domanêke pasîf o nêeşkeno na çalakî bikero. Heyet û pedagog şîrovekerdişê xo yê hempar de hedîse Serdozgerîya Komare rê neql kerdî. Serdozgerî çele 2018an de îfadeyê domane girewt. Gumanbar M. suc înkar kerd. Domane îfadeyê xo de dîyar kerde ke seba keyeyî vernê de aye ra bawer nêkerda, hedîse heme qalî nêkerda û va dest daya serê Kuran û dima ra înan berda pedagog.

	&nbsp;

	Bi waştişê dadgehe heyetê 6in Îhtîsas ê Sazgehê Tipê Edlî yê Stenbolî rapor amade kerd. Rapor de ame tespîtkerdiş ke domane rastîyan vana. Roniştişê 5in ê dewa de sucê 'îstîsmarkerdişê zayendî yê domane' 8 serrî ceza ame birnayene. La seba ke gumanbar 18 serrî yê xo pirr nêkerdo ceza vistî 6 serrî û 8 aşman, rewşa baş zî verê çiman de girewtî û ceza vistî 5 serrî 6 aşmî û 20 rojan.

	&nbsp;

	Avûkata domane Dîdar Erdeme zî dîyar kerde ke &nbsp;dadgehe sewîyeya tewr cêr de ceza daya. Dîdare da zanayîş ke domane dimayê travma, xo tewr xirab hîs kerda û wina va: "Na dosya xêrcê têkoşînê huqûqî wetayîr, rol û tesîrê diyalogê dayîke ke bi domane xo dir awan kerda ramojneno. Hîsgêrîyê ke sazgehan ramojna yo zî serê qerar de tesîr kerdo."&nbsp;

	&nbsp;