Krîzê ekonomî tesîrê xo serê karê Bahare de zî kerd 

2019-01-01 12:31:06


	 

	Zeynep Durgut

	 

	COLEMÊRG - Tirkîya de krîzê ekonomî her roje tewr xurt beno û nê krîzî ra zî tewr zêde cinî tesîr benê. Cinîya bi nameyê Bahar Kazandioglu ya ke 2 serrî yo bi viraştişê lihêfan debara xo kena, reaksîyon ramojnayî bêçareserkerdiş krîzî dayî û vatî ke seba nê krîzê karê înan êdî nêbeno.

	 

	Bi vayîya dowîz û zêdebîyayîşê enflasyonî rayîr Tirkîya krîzê ekonomî her roj xurt beno. Colemêrg de cinîya bi nameyê Bahar Kazandioglu 2 serrî bi viraştişê lihêfan debara xo kena. Bahare dîyar kerde ke seba krîzê ekonomî karê înan vindert û va ke roj bi roj krîz pîl beno.

	 

	'Rotişê lihêfan xeylê kêm bîyo'

	 

	Bahare dewamê qiseykerdişê xo de arde ziwan ke krîzê ekonomî tesîrê negatîf serê karê înan keno û wina va: "Ma verê û heta nika bi karê viraştişê lihêfan debara xo kena. Mewsîmê hamnanî de wextê birnayîşê pes ma şinê dewan, peşmî kom kenê û dimayê ke ma peşmî şonê ma şane kenê. Viraştişê lihêfan hende asan nîyo. Ma sere de karê xo yê viraştişê lihêfan keye de kerdêne û ma ardêne bazar de rotêne. Dimayê ke ma karê xo pîl kerd, ma kargeh akerd. Serrê sereyîn de karê ma zaf baş bi û serkewte bi. Ma şan de û rojê xo kerdêne yew la ma nêersayî waştişanê xo. La nika xebatêke wina çin o. Ser bi ser krîzê ekonomî tewr zêde beno. Ma serê siba kargeh akenê û heta şan de tu kes nîno. Keda ke ma danê veng şina. Ma her aşme tewr zêde 2 ya zî lihêfike roşenê."

	 

	'Hesabê sûke û keye eynî nêvejîyeno'

	 

	Bahare da zanayîş ke krîzê ekonomî eynî wextî de rotiş û girewtiş ke keye rê kenê tesîr keno û wina va: "Verê şar goreyê lazimîyê xo dayîş û girewtiş kerdêne. La nika ma wexto ke şinê sûke, ma nêeşkenê lazimîyê xo pêşwazî bikerê. Seba ke hesabê keye û sûke eynî nêvejîyeno. Krîzê ekonomî bi qasê bajarê qij, barê pîl tesîrê xo nêkeno. Zam krîz tewr xurt keno. Vera krîzê ekonomî ganî merdim hende zî bêçare nêmano. Hemwelatî seba ke nêeşkenê keye ra nan bigîrê bi hêrs ê. Krîzê ekonomî eynî wextî de bi xo dir krîzê ekonomî zî ano. Ganî bi lez krîzê ekonomî dir çareserî bêro vînayîş. Eke wina şêro do roj bêro merdim do seba veşnayîş cuya xo vindî bikerê."