'Vera xespkerdişê îradeyî do şaredarîyê şarî qezenc bikerê' 

2018-12-31 09:15:49


	 

	Berîtan Canozer 

	 

	AMED - Fîlîz Buluttekîna HDPyî dîyar kerde ke vera xespkerdişê îradeyî, qerekolan, kalekolan û tedayan do şaredarîyê şarî qezenc bikerê, do şar serkewte bibo û va seba weçînayîşan amadeyê.

	 

	Seba weçînayîşê 31ê Adara 2019an heme partîyan dest bi eşkerakerdişê namzedanê xo kerd û Amed de zî sera 45ê namzedan cinîyan ra yeno meydan. Hemsereka HDPî ya Amedî Fîlîz Buluttekîne dîyar kerde ke do 94 şaredarîyê xo yê qayûm ci ameyê bicakerdiş peyser bigîrê û va do şarê Kurd dersa qayûman bidê.

	 

	Fîlîzê dewam de da zanayîş ke muracatê namzedan 18ê Kanûne ra dima peynî bîyo û wina va: "Nêzdîyê hezar kesî muracat kerdî. Nîmeyê muracatan cinîyan ra yeno meydan. Ma partîyêke sîstemê fermuarî kenê yê. Ma temsîlkarîya têduşt pawenê. Ma do çîyê newe sîstemê hemserekî zêde bikerê û bi hawayêke tewr xurt vejîyê."

	 

	‘Tehdîdan netîce nêgirewt'

	 

	Fîlîze vatişê serekkomar Tayyîp Erdoganî yê sey ‘Kesê têkilîya înan bi terorî estbo do qayûm şêro verê înan' arde vîr û va ke pêwa nê polîtîkayê tersî, muracat zaf zêde bî. Fîlîze wina va: "Tehdîdî do netîce nêgîrê. Do bi tehdîdan bi şarî peyser game nêdê eştiş. No şar zaf dej ant. Adir kewt keyeyê kesan. Pêwa nê cewabo tewr şîdet sindoqan de dayî AKPî.” 

	 

	'Ma partîya şarî yê'

	 

	Fîlîze tewr peyîn qiseykerdişê xo de da zanayîş ke bi awankerdişê komîsyonan dest bi xebatê weçînayîşan kerdê û va ma bawer ê ke do weçînayîş de serkewtişêke pîl bidest bikerê û wina va: "Ma do keye bi keye, kuçe bi kuçe bigeyrê. Şaredarîya açernayî qerekolan. Şar zano ma nêtersenê. Ma partîya şarî yê. Ma do weçînayîşan de serkewtişêke pîl bidest bikerê."