'Tirkîya de wezaretêke cinîyan şert a' 

2018-12-30 14:18:47


	 

	Rengîn Azîzoglu

	WAN - Îdarekara HDPî ya Wanî Handan Karakoyune dîyar kerde ke dimayê Wezaretê Xizmetê Komelî û Keyeyî yê Cinîyan sey Wezaretê Keye û Xizmetê Komelî û Xebat ameyî vurnayîş, Tirkîya de vera cinîyan bêtehemulîyêke pîl esta û va wezaretêke cinîyan do seba xeylê problem û bêtêduştîyan bibo çareserî.

	Îdarekara HDPî ya Wanî Handan Karakoyune derheqê israrê înan ê Wezaretê Cinîyan de qisey kerde û dîyar kerde ke nêzdîyê îqtîdarê bîyaye yê vera problemê cinîyan meydan de yo. Handane da zanayîş ke hewl yeno dayene ke cinî mehkûmê warêke bêrê kerdiş û va: "25ê Teşrîna Peyêne bêtehemulî reyna ame vînayîş. Heme bajaran de rayşîyayîş ameyî qedexekerdiş. Waştî ke vernîya cinîyan bêra girewtene."

	Handane arde ziwan ke îqtîdar vatişê ke cinîyan hedef gêno ano ziwan û Wezîrê Karê Zere Suleyman Soyluyî cinîyê HDPyijan tehdîd kerd û eynî wextî de serekomar Recep Tayyîp Erdogan qiseykerdişê xo yê 25ê Teşrîna Peyêne de vatişê zayendperest ard ziwan. Handane da zanayîş ke pêwa her çî cinîyan têkoşînê xo dayê û alternatîfê xo awan kerdê.

	Handane dayeyê derheqê qetilkerdişê cinîyan de zî ardî vîr û va heqê tewr sereyîn ê cuyayîşî yê cinîyan nînê pawitiş. Handane eynî wextî de da zanayîş ke awankerdişê Wezaretêke Cinîyan do seba xeylê probleman bibo çarserî û do problemêke bi muxataban bêro çareserkerdiş. Handane tewr peyîn qiseykerdişê xo de da zanayîş ke do seba awankerdişê wezaretêke cinîyan do israrê xo dewam bikerê.