'Dikanê mi seba krîzî ame sewîyeya padayîşî' 

2018-12-28 15:08:22


	 

	WAN - Nêzdî 30 cinîyê ke bi projeyê NYî xo rê kargerî akerdibî seba krîzê ekonomî mecbur mendî ke dikanê xo bigîrê. Halîme Olmeza bi dikanê patîra debara xo kena, bi pereyê ke tîya qezenc kena hîrê domanê xo yê astengdar ewnîyena.

	 

	Wan de çarçeweya projeyê NYî de 30 cinî xo rê dikan akerdî. Projeyê 8 serrî verê ame kerdene de cinîyan dikan akerd. Yew înan ra zî Halîme Olmeza 47 serrî bî. Kuçeyê Maraşî yê qezaya Îpekyolê Wanî dikanê patîra bi nameyê ‘Zerya’ akerde. 3 domanê Halîmeye astengdar ê û Elbaqê  Şirnexî ra koçê Wanî kenê. Mêrdeyê aye qezaya trafîkî derbaz keno û dima ra zî aye mecbur manena ke aye tena bixebityo. Halîmeye wina va: "Sereka Komeleyê Astengdarê Nêeşnaweyenê qalê proje kerd. Mi zî qebul kerde. Ma proje pîya amade kerde. Ez bîya yewin. Tena 32 cinîyê ke ez nas kena bi keda destê xo proje amade kerdî û pêşkêşê Ewropa kerdî. Bêşik nê bê belge nêbenê. Ma wendegehê meslekî de 6 aşmî perwerde dî û belge girewt. Mi dikan akerd."

	 

	'Cinî mecbur mendî dikanan bigîrê'

	 

	Halîmeye arde ziwan ke dimayê ke dikan akerda piştdayîşê ke dewlete seba domananê aye dayne zî ameyo birnayîş û wina va: "Verê karê ma baş bi. Muşterîyê me zaf bî. La bi krîzê ekonomî tesîrêke pîl ro ma kerd. Dikan yew bi yew ameyî padayîş. Dikanê mi akerde yo la ma zaf zehmetî ancenê. Ma sey verê kar nêkenê."

	 

	Halîmeye qiseykerdişê xo wina qedêna: "Verê ma sîparîşê werdê mintiqa, paste, patîra, kuftik û xeylê bîn girewtêne. La nika ma tena patîra viraznenê. Roje ra 7-8 kes yenê. Karekê bîn ez bikerî çin o. Ez mecbur a debara xo bikerî. Mêrdeyê mi piştdayîş dano mi."