'Zindan wijdanê welatan o û wijdan jan veto' 

2018-12-28 12:29:21


	 

	STENBOL- Waya Mustafa Ozgur Mullayo ke Zindanê Sîlîvrî de dest bi grevê vêşanîye kerdo, Esra Mullaye vengê hîsgerîye kerde û wina va: “Zindan wijdanê welatan o û wijdan jan veto. Ganî ma heme pîya çîyêk bikerî. Kesê ke eşkenî vengê înan bidî eşnawitiş ma yî. Ma mecburê ke bibî vengê înan.” 

	 

	Mustafa Ozgur Mullayî 12ê tebaxe de ame tepiştiş û 13ê tebaxe de zî ame tewqîfkerdiş. Mustafayî erşawitî Zindanê Metrîsî û badê 2 rojan ê erşawitî Zindanê Sîlîvriyê. Mustafa nika hemverê xespkerdişê heq, caardişananê kêfî û zextan de dest bi grevê vêşanîye kerd.

	 

	Xeylê zindanan de îhlalkerdişê heqan esto

	 

	Waya Mustafa Ozgur Mullayo ke Zindanê Sîlîvrî de yo Esra Mullaye seba birayê xo veng daye û va: “Birayê mi eştişê serê qawişan de raştê îşkence kutişê gardîyanan ameyo. OHALî reyde binpaykerdişê heqan zêde bî. Her roje xeberê cîya cîyayî yenî. Heqê pêvînayîşî zî yeno astengkerdiş.” 

	 

	Esraye dewamê qiseykerdişê xo de wina va: “Wexto ke hepsî hemverê binpaykerdişan de vejîyenî raştê cigêrayîşan yenî. 3 cezayê hucre de înfaz yenî veşênayîş. No zî bîyo sey îşkence. Îşkence hemverê şerefê merdiman o û nîno qebulkerdiş. Keye timî hetê hepsîyan de yî. ganî ma veng bidî vengê xo.” Dayika Mustafa, Hanîfe Mullaye zî qiseykerdişê xo de wina va: “Ganî ma hemverê binpaykerdişan de bi hawayo hîsgerîye têbigêrî. Ez tena seba lajê xo qisey nêkena. Ez seba dayîka heme hepsîyan qisey kena. Ti kesêk îşkence heq nêkeno. Ma wazenê şêrî zindanan û îşkenceyanê hemverê domanan vejî raşte.”