'Ma do rayîr nêdî dagirkeran' 

2018-12-28 12:27:48


	 

	HESEKÊ - Derheqê tehdîtanê Erdoganî yê serê Rojawan û Vakurê Sûrîye de Şîfa Sewana ke Hesekê ra ya qisey kerde û dîyar kerde ke ê amadeyî heta peynî herra xo bipawî û wina va: “Ma do bi îradeya xo ya azad û bi hêzê xo yê girdî rayîr nêdî dagirkeran.” 

	 

	Seke yeno zanayene çendêk verê Wezaretê Pawitişî yê Amerîka eşkera kerd ke fermanê Sûrîye ra ancîyayîşê leşkeranê Amerîka ameyo îmzakerdene. Serekê Amerîka Donald Trumpî zî dabî zanayene ke ê fermanê ancîyayîşê leşkeranê Amerîka dayî. Dima ra Serekê Pêroyê yê AKPyî Tayyîp Erdogan zî dest bi gef û hêrişan serê Rojawan û Vakurê Sûrîye kerd. 

	 

	'Ma amadeyê ke herra xo bipawê'

	 

	Derheqê tehdîtanê Erdoganî yê serê Rojawan û Vakurê Sûrîye de Şîfa Sewana ke Hesekê ra ya qisey kerde û dîyar kerde ke ê amadeyî heta peynî herra xo bipawî û wina va: “Ma do bi îradeya xo ya azad û bi hêzê xo yê girdî rayîr nêdî dagirkeran.”

	 

	'Ma heme bibê yew do planê dişmin veng vejîyê'

	 

	Şifaye dewamê qiseykerdişê xo de înan ard ziwan ser: “Erdogan bi gefanê xo heme şarê Sûrîye hedef gêno. Hemverê demokrasîye de şer keno û wazeno sey Efrînî heme Rojawanê Kurdistanî dagir bikero. cinîyê kurd rayîrê azadîye weçînayî û ma do fek têkoşînê xo ra vera nêdî. Ma seba cuyêka bi şeref, bi eşqê azadîye têgêrenî. Seba azadî û demokrasîye xeylê canî feda bîyî. Ma zî amadeyî de seba herra xo û bîyayîşê xo bipawî. Ganî heme dinya hemverê nê gefan de vejîya.”