Cinîyê Hesekî: Ma do bi vengêke hempar xo ver bidê 

2018-12-27 14:30:41


	 

	SERÊKANIYÊ - Cinîyê Kantonê Hesekî yê ke beşdarê çalakîya çadira qalxanê ganî yê serê sînorê Sêrêkanî bî û vatî: "Dewleta tirkan se kena wa bikero aye do nêeşko herra ma îşgal bikero. Ma do bi vengêke hempar xo ver bidê."

	 

	Cinîyê Kantonê Hesekî yê ke beşdarê çalakîya çadirê qalxanê gane yê serê sînorê Sêrêkanî bî vatî: "Ma do sey şarê Rojawanê Kurdistanî heta peynî xo bipawê û do sere dişmin rê nêtewênê."

	 

	Zekîya Mihemede wina va: "Ez ewro Hesekî ra ameya bajarê serêkanî verê sînor binê çadirê qalxanê ganeyan de ya û ma şarê Rojawanî bi heme erjê xo qetî qebul nêkenê ke faşîstêke sey Erdogan derbazê herra welatê ma bibo. Ma do bi heme hêzê xo vera nê vinderê. Ma qetî nêtersenê û eke ê hêriş bikerê ma do tîya înan rê bikerê goristan."

	 

	'Ma serê herra xo ra nêşinê'

	 

	Heto bîn ra dayîka bi nameyê Hedîya Mihemede wina va: "Dewleta tirkî se kena wa bikera aye do nêeşka herra ma îşgal bikera. Ma do bi vengêke hempar xo ver bidê. Ma do şarê Rojawanê  Kurdistanî heta peynî xo bipawê û sereyê xo vera dişmin nêtewênê. Ê nêeşkenê bi tu hêrişan ters zerrîya ma de awan bikerê. Wa ê bitersê."