Adresê cinîyan ê 31ê Adare HDP yo 

2018-12-26 13:32:08


	 

	Hîkmet Tunç

	 

	WAN - Cinîyê ke seba weçînayîşê mintiqa, muracatê namzedî kerdê, dore mulakatê komîsyonê weçînayîşî pawenê û dîyar kerdî ke HDP seba partîya cinîyan o muracat kerdê û va ganî cinî vera zîhnîyetê qayûm dorê HDPî de xo birêxistin bikerê.

	 

	18ê Kanûne de muracatê namzedî peynî bî û awanîya HDPî ya Wanî zî bendewarîya bi kelecan dewam kena. Medîne Tufana ke seba namzedîya Meclîsê Şaredarîya Elkî muracat kerda û wina va: "Seba HDP girîngî dano cinîyan mi muracat kerd. Mi xeylê xebatê HDPî de ca girewt. Qezaya ma de cinî bi rehetî nêvejîyenê teber. Cayêke rehet ci bigeyrê çin o. Şaredarîya DBPî xeylê xebat seba cinîyan meşna. La dimayê qayûm cinî hepsê keyeyî bî."

	 

	Medîneye dewam de arde ziwan ke bi qayûm dir warê cuya cinîyan tewr zêde teng bîyo û va hedefê înan a ya ke qayûm peyser bieşrawê û newe ra xebatanê xo pîya bimeşnê.

	 

	Harîye Ozlu ke seba encumenîya şaredarîya Westanî muracat kerda arde ziwan ke xêrcê HDP kes girîngî nêdano cinîyan û va: "Ez HDPyij a. Partîyêke cinî tede ca gênê ya. Ganî tu cinî xo sînor nêkerê. Wa her kes beşdarê HDPî bibo. Wexto ke şinê serê sindoqe zî wa rayanê xo bidê HDP.”