
Leyla Guvene: Ez seba amacêk mucadele kena 

2018-12-25 14:15:47


	&nbsp;

	AMED - Leyla Guvena ke semedê wedartişê tecrîdê serê Ocalanî 48 rojî yo grevê vêşanîye de ya vat ke ez seba amacêk mucadele kena û çalakîya mi do heta bicaardişê waştişê mi dewam bikero.

	&nbsp;

	Hemsereka KCDyî û parlamentera HDPyî ya Colemêrgî Leyla Guvena ke seba wedartişê tecrîdê serê Rayberê Şarê Kurdî Abdullah Ocalanî Hepisxaneyê Girewteyê Tîpê Tyî yê Amedî de 48 rojî yo grevê vêşanîye de ya, bi kênaya xo Sabîha Temîzkane mesajêk şawit.

	&nbsp;

	Nêzdîyê 10 kîlo vindî kerda

	&nbsp;

	Sabîha ke maya xo dir pêdîyayîşo akerde viraşt derheqê rewşê aye de nê pare kerdî: ‘‘Maya mi zaf xirab nêbî, mi xirabêr pawetêne. Enerjîya ci bîya kêmî û biney bêhal a. Nizdê 10 kîloyî vîndî kerdî la hema xo ser a.‘‘

	&nbsp;

	'Ez seba amacêk mucadele dana'

	&nbsp;

	Sabîhaye bale ante ke maya aye Leylaye bihêz û bimoral a û nê mesajê ci pare kerd: ‘‘Ez zaf şa ya. Ez seba amacêk nê xoverdayîş û mucadeleyî dana domnayene. Çalakîya mi do heta bicaardişê waştişê mi dewam bikero.‘‘

	&nbsp;

	Sabîhaye da zanayene ke roniştişê dewaya Leylaye yo ke 26ê Kanûne de do bêro viraştene, Leylayee do tewrê ci mebo û vat ke xora şertê weşîya aye zî musaît nêyî.&nbsp;