
Meclîsê Ciwanan yê Dêrsimî: Ma do bi xoverdayîşê xo serkewte bibî 

2018-12-25 13:54:05


	&nbsp;

	DÊRSIM - Meclîsê Ciwanan yê Dêrsimî dîyar kerd ke tepiştişê endamanê înan û tewqîfkerdişî do rayîrê têkoşînê înan nêgîro û nê çîyan va: “Ma doza kesê heqdaran î. Ma hemverê faşîzmî de vengê xoverdayîşî kenî û veng danî heme ciwanan ke binê sîwana meclîsê HDPyî de arê bibî.”

	&nbsp;

	Meclîsê Ciwanan yê Dêrsimî yê Partîya Demokratîke ya Şaran (HDP) derheqê tepiştişê wendekarê Unîversîteya Munzurî ke mîyanê înan de 19 kesî endamê înan bî de îzehetêk da. Meclîsê Ciwanan dîyar kerd ke ê do hemverê şîdet û hêrişan de fek têkoşînê xo ra vera nêdî û embazê înan ke ameyî tepiştiş dima ra ameyî tewqîfkerdiş zî do fek têkoşînê xo ra vera nêdî û bi qerardarî têkoşînê xo dewam kenî.

	&nbsp;

	Îzehet de ame vatiş ke endamanê înan ser de ajanî ameyo ferzkerdiş û embazêka înan ke sereyê aye padayeya bi zorî serepeşê aye ameya vetiş û heme embazê înan ameyî tehditkerdiş. Sewbîna îzehet de ame aşkerakerdiş ke 3 endamê meclîsê ciwanan ameyî tepiştiş û badê îfadegirewtişî bi şertê kontrolê edl ameyî veradayîş. Îzehet de Sakarya de qetilkerdişê Kadrî Sakçi û birîndarkerdişê lajê ci ke vatî ‘ma kurdî’ ame şermizarkerdiş û keye û merdimanê înan rê serweşî ame waştiş.

	&nbsp;