Sevkan: Asayîşê Meletî camêrdan paweno 

2018-12-25 13:51:30


	 

	MELETÎ - Sevka G. ya ke rastê şîdetê sîstematîk amî dîyar kerde ke, pêwa ke Ozkan O. yo ke bi desan rey hewl da ke aye bikişo, kargerîyê aye veşna, keyeyê aye tehdîd kerd zî la polîsan tu tedbîr nêgirewt o. Sevkane wina va: "Asayîşê Meletî camêrdan paweno. Ozkan reyna serbest o, reyna bi çek o, reyna tehdîdê mergî keno. Êdî bes o, gelo kesêke vengê mi bieşnawo çin o?"

	 

	Sevkan G. ya ke bi desan rey ajansê ma yê JINNEWSî rê qisey kerde, yew hezaran cinîyê ke vera şîdetê sîstematîk serê lingan de mende ya. Sevkane heme cinîyan ra piştdayîş pawena. Sevkane dîyar kena ke pêwa bi desan rey Ozkan O. gerre kerdo zî hema tehdîdê mergî gêna û da zanayîş ke di roj verê Ozkan O. dekewtişê otoparqî de gule rijnayo serê dayîk û pîyê aye.

	 

	Sevkane tewr peyîn qiseykerdişê xo de reaksîyon ramojna rewşe û heto bîn ra da zanayîş ke Asayîşê Meletî şîdeto ke aye rê yeno kerdene dir eleqedar nêbeno.

	 

	Sevkane tewr peyîn qiseykerdişê xo de veng da heme cinîyan û wina va: "Asayîşê Meletî camêrdan paweno. Ozkan reyna serbest o. Reyna bi sîleh geyreno. Hema zî tehdîdê ey yê mergî dewam kenê. Êdî bes o. Gelo kesêke vengê mi bieşnawo çin o? Tena hêvîya mi piştdayîşê cinîyan ra esta. Waştişê mi o yo ke cinî piştdayîş bidê mi."