
Cinîyê Ebexî: Ganî tecrîd peynî bibo 

2018-12-24 13:54:47


	&nbsp;

	WAN - Cinîyê Ebexê Wanî reaksîyon vera tecrîdo giran yê hemverê Rayberê PKKî Abdullah Ocalanî dayî û dîyar kerdî ke Azadîya Abdullah Ocalanî azadîya înan a.

	&nbsp;

	Çalakîya grevê vêşanî yê parlamentera HDPî ya Colemêrgî û Hemsereka KCDî Leyla Guvene ke bi amancê tecrîdê serê Rayberê PKKî Abdullah Ocalanî bêro wedartiş Hepisxaneyê Tîpê E yê Amedî de 8ê Teşrîna Peyêne dest bi grevê vêşanî yê bêdem û bêdor kerde roja xo ya 47ine de dewam kena. Heto bîn ra seba piştdayîşî hepisxaneyê Tirkîya de hepsîyê PKK û PAJKî grevê vêşanî dayî destpêkerdiş. La teber de zî grev dewam keno.

	&nbsp;

	Qezaya Ebexê Wanî de cinîyê dewa girêdayê ci de cuyenê hêrişê vera çalakîyan şermezar kerdî. Cinîya bi nameyê Denîz Dagdemîre wina va: "Ciwanî yenê tepiştiş. Parlamenterê ma yenê tepiştiş. Dayîkê Aştî, sîyasetmedarê Kurd yê ke grevê vêşanî de yenê tepiştiş. Ganî tecrîdo ke serê Abdullah Ocalanî de yo peynî bibo. Ma zî sey heme şarê dinya wazenê xo bi îradeyê xo rayîra berê."

	&nbsp;

	'No zulm do key biqedîyo'

	&nbsp;

	Gulîstan Dage zî da zanayîş ke ganî tecrîd peynî bibo û va şarê Kurd Abdullah Ocalanî sey îradeyê xo vîneno û wina qedêna: "Ma seba no zulm peynî bibo dua kenê. Ma dewe de cuyenê. Coka înan vanê qey zanayîşê ma dinya ra çin o. Parlamenterê ma yenê tepiştiş. Îmralî de tecrîd yeno meydan. Ganî no tecrîd bêro wedartiş. Azadîya Ocalanî azadîya ma ya."

	&nbsp;

	&nbsp;