Cinîyê KESKî: Ma talebê kesê Yelegzerdinan bi serran o qîrenî 

2018-12-21 15:27:40


	 

	AMED - Kedkarê Konfederasyonê Sendîkaya Kedkaranê Rayapêroyî (KESK) dîyar kerdî ke ê bi serran o heme raşteyan de waştişê Yelegzerdinan yê Fransaye anî ziwan û wina vatî: “Waştişê înan yê ma yî. heta ke waştişê ma nêrî ca, ma do raşteyan de bibî.”

	 

	Çalakîya Kesê 'Yelegzerdinan' ke Fransa de bi amancê protesto kerdişê bêedaletîya sosyale, bicaardişê polîtîkayanê ekonomîye yê xeletan yê hukmatî dîya destpêekrdene û badê reaksîyonan bedilîya hêrsê hemverê serokomar Emmanuel Macronî. Çalakîye bedilîya protestokerdişê tewr şîdetin yê welate. Çalakîya 'Yelegzerdinan' teberê sînorî derbaz kerde û tesîrê xo daye pêroyê cihan ser. Derheqê babete de Sekretera Cinîyan ya MYKê Egîtîm Senî Derya Yulcu, Helîn Karakuşa ke piştî dana mîtîngê KESKî û Dîlay Vurale qisey kerdî.

	 

	Sekretera Cinîyan ya MYKê Egîtîm Senî Derya Yulcuye qiseykerdişê xo de wina va: “Ez çalakîya kesê  Yelegzerdinan silam kena. Ma talebanê înan anî ziwan. Bedelê krîzî kedkar nê, ganî kesê ke awan kerdî bidî. Ma xeylê bajaran de vengê xo danî eşnawitiş. Ma veng danê heme kesan ke hemverê binpaykerdişê kede de bibî yew. Hewl danî faturaya krîzî kedkaran rê bibinî. Talebê Fransa û yê Tirkîye meşru yî.”

	 

	'Hukmat nêwazeno ke vengê ma bieşnawo'

	 

	Helîn Karakuşe zî bale ante krîzê ekonomî ser û hutmat rexne kerde û wina va: “Welat de krîzêko cidî esto. Hukmat bi bac û zemê ke şarî rê keno, hewl dano ke îqtîdarîya xo dewam bikero. Bi serran o ma heme raşteyan de hemverê binpaykedişê kede de qîrenî. La hukmat nêwazeno ke vengê ma bieşnawo. Ma do heta peynî têkoşînê xo dewam bikerî.”

	 

	'Ganî piştî bidîyo heme kedkaran'

	 

	Tewr peynî cinîyan ra Dîlay Vurale qisey kerde û çalakîya Yelegzerdinan arde vîr û va: “Çalakîya înan heqdar û meşru ya. Binpaykedişê kede problemê heme dinya yo. Ganî piştî bidîyo heme kedkaranê dinya. Talebê çalakgerê Yelegzerdinan yê Fransa yê ma yî. Ma do heta peynî talemanê xo bîyarî ziwan.”