Hêrîşê hemverê Mexmurî dewamê serranê 90an o 

2018-12-20 14:14:20


	 

	COLEMÊRG - Hêzê Çekdar yê Tirkîye (TSK) 13ê kanûne de kampa Şehîd Rustem Cûdîyî ya Mexmûrî ke binê pawitişê Neteweyê Yewbîyayeyî (NY) de ya bombardûman kerdbî û 7 sivîlî cuya xo vindî kerdbî. Hemverê hêrişî de reaksîyonî dewam kenî û şarê qezaya Geverî ya Colemêrgî zî reaksîyon nîşanê hêrişan da.

	 

	Hêzê Çekdar yê Tirkîye (TSK) 13ê kanûne de kampa Şehîd Rustem Cûdîyî ya Mexmûrî ke binê pawitişê Neteweyê Yewbîyayeyî (NY) de ya bombardûman kerdbî. Netîceyê bombardûmanî de 7 sivîlî cuya xo vindî kerdbî. Hemverê hêrişî de reaksîyonî dewam kenî û şarê qezaya Geverî ya Colemêrgî zî reaksîyon nîşanê hêrişan da.

	 

	'Ma no vindetişê mîyanneteweyî qebul nêkenê'

	 

	Hemsereka Partîya Herêmê Demokratîkî (DBP) ya Geverî Oznur Evîne ard ziwan ke Tirkîye hemverê pêkerdişê mîyanneteweyî û huqûqî de têgêrena û va: “Merdimê ke Mermûrî de cuyenî, merdimê ke serranê 90an de zilmê dewlete ra koç kerdî yî. Kampa Mexmûr hetê NYyî ra ameye awankerdiş. La nika hêrişê cidî estî. ma no vindetişê mîyanneteweyî qebul nêkenî. Bi hezaran kes tehdîdê qirkerdişî reyde rî bi rî yî. Ganî ma hêrişanê rê vajî ‘nê’. No hêriş dewamê serranê 90an o. Ganî dinya bêveng nêmana.”

	 

	'Wexto ke babete bena kurd'

	 

	Gulçîn Karaburke zî hêrişê tirkî şermizar kerde û wina va: “Eke Barzanî piştî nêdayêne dewleta Tirkîye do wina nêbayane. Wa Barzanî êdî dest rijnayîşê gonîya şarê xo ra vera bido. Mexmûr û Şengal de sivîl cuyenî. Hêriş suc o. Wexto ke babete bena kurd heme hêzê mîyanneteweyî ker û lal benî.”

	 

	'Cuya heme kesan tehluke de ya'

	 

	Ayşen Fendîka ke merdimê aye Mexmûr de cuyenî reaksîyon nîşanê hêrişan daye û va: “Ma çiqas vajê aştîye ê hêrişê ma kenî. Hemverê hêrişan de bêvengbîyayîş wijdanî û merdimî nîyo. Serranê 90an de dewanê ma veng kerdî. Ma bi zorî dewanê ma ra vetî, veşênayî û rijnayî. Ma ser de koçkerdiş ame ferzkerdiş. Nika hêrişî dibare benî. Cuya heme kesan binê tehluke de ya.”