Mexmûr de grevê vêşanî koma dîyine dewir girewte 

2018-12-19 13:55:46


	 

	 

	MEXMÛR - Koma dîyin ê grevê vêşanî yê Wargehê Mexmûrî (Şehîd Rûstem Cûdî) çalakîye dewir girewtî.

	 

	Hemsereka Kongreya Komelê Demokratîk (KCD) û Parlamentera Partîya Demokratîke ya Şaran (HDP) Leyla Guvene seba tecrîdê giran ê serê Rayberê PKKî Abdullah Ocalanî dest bi grevê vêşanî kerdebî. Piştdayîşê seba çalakîya grevê vêşanî ya Leyla Guvene vila bena. Grevê vêşanî yê Wargehê Mexmûrî (Şehîd Rûstem Cûdî) roja çarine de koma dîyine dewir girewte. Verê ke kome bêra vurnayîş, her di koman bi hemwelatîyê wargehî, sînevizyonê Şehîd Rizgar Adanmiş temaşe kerdî dima grevê vêşanî ame dewirkerdiş. Koma dîyin ke 8 cinî û 10 camêrdan bi pêroyî 18 kesan yena meydan dimayê temaşekerdişê sînevizyonî bi slogan ame dewirkerdiş.

	 

	Verê dewirgirewtişê koma dîyin serê nameyê koman qiseykerdiş ame kerdene. Qiseykerdiş de mesajê dewamîya çalakî û têkoşîn ame dayîş. Pankartê 'Ma hêzê komploger şermezar kenê', 'Her şehîdêke felsefeyêke cuye yo' û 'Sondê ma yo ma do sîstemê Îmralî bişiknê û bi Rayber Apo dir azad bicuyê' û posterê Rayberê PKKî Abdullah Ocalan û Fermandarê PKKî Murat Karayilan, Duran Kalkan, Cemil Bayik û posterê Zîlane û beyraqê KCK û PKKî cayê grevê vêşanî de ameyî deliqnayîş.

	 

	Bi sloganê sey 'Bicuyo Serek Apo', 'Bê Serek cuye nêbeno', çalakî dewr amî girewtiş.