Tahîna ke qeraxê Cudî de yena viraştiş eleqeyêke pîl vînena 

2018-12-18 13:46:28


	 

	ŞIRNEX - Emîna Bayata ke ocaxa ke qeraxê Koyê Cudî de tahîne viraznena û dîyar kena ke vera tahîna ke ê viraznenê eleqeyêke pîl esto.

	 

	Ocaxêke qij ê qeraxê Koyê Cudî ke 5 kîlometre Şirnex ra dûrî yo cinî destê xo tahîn viraznenê. Cinîya bi nameyê Emîna Bayate vernê de kuncîyan wişk kena û dima ra germ kena û erzena makîna. Emîna 7 serrî yo nê karî kena.

	 

	Emîna dîyar kena ke serê siba ra heta şan de xebityena û debara xo bi tahîne kena. Emîna wina vana: "Ma di kes tîya manenê. Ma hamnan û zimistanî zî xebityenê. Verê pîlanê ma nê karî kerdêne. Xora cayê ma zî cayê kan o. Ma tîya adetê xo yê pîlan ê xo meşnenê. Karê ma zehmet o, la merdimî zaf girîngî danê tahînê ma û eleqeyêke pîl ramojnenê."

	 

	'Hem pak û hem baş a'

	 

	Emînaye tewr peyîn qiseykerdişê xo de da zanayîş ke tena Şirnex ra nê, bajarê cîya ra zî merdimî seba tahîne yenê tîya û wina va: "Şar eleqeyêke pîl ramojneno. Yê ke yenê zaf ecibnenê. Her ca ra yenê û gênê. Şar vano ke teze û baş a. Na tahîne karê heme çî yena. Nîyetê mi çin o ke ez fek karê xo ra vera bidî. Ez bi xo viraştişê ci musaya. Ma domanî ra viraznenê."

	 

	Heto bîn ra Emînaye arde ziwan ke wextê qedexeyan de keyeyê aye ameyo rijnayîş û dimayê qedexe ameyo wedartiş, dewa Îkîzce de bi ca bîya û va aye ewnîyena 9 domananê xo ra û va kîloyê tahîne 36 TL yo.