
'Şar zilm ra remeno'  

2018-12-17 14:13:02


	&nbsp;

	Lîlav Elî&nbsp;

	&nbsp;

	ŞEHBA - Qezaya Şêrewa ya Kantona Şehba de seba ke hûmara koçberan zêde ya koçberî neqlê kampêka newe ya bi nameyê Kampa Agêrayîşî ameyî kerdiş. Derheqê babete de Rayîrbera Kampa Agêrayîşî Semîra Abdul-Rehmane qisey kerde.

	&nbsp;

	Qezaya Şêrewa ya Kantona Şehba de seba ke hûmara koçberan zêde ya koçberî neqlê kampêka newe ya bi nameyê Kampa Agêrayîşî ameyî kerdiş. Kesê ke Efrîn ra zilm vera remayî Kampa Agêrayîşî de bi ca benî. Kampa Agêrayîşî de nizdîyê 85 konî estî û 15 keyeyê ke dikan û camîyan de bi ca bibî, nika ewja de yî. Derheqê babete de Rayîrbera Kampa Agêrayîşî Semîra Abdul-Rehmane qisey kerde. Semîra qiseykerdişê xo de wina va: “Badê ke dewleta tirkî ya dagirker û komê çeteyan ke girêdayeyê aye yî hêrişê Efrînî kerdî û bi sehezaran kesî koçê Kantona Şehbayê û qezaya Şêrawa kerdî. Koçberê ke qezaya Şêrawa de dikan û camîyan de cuyayêne zehmetî bibo zî demserrê hamnanî de pay ser de mendêne, la ameyîşê zimistanî reyde cuye xeylê zehmetin bîye û ma mecbur mendî ke sewbîna kampêka newe bivirazî.”

	&nbsp;

	'Serkewtiş do bibo yê ma'

	&nbsp;

	Sewbîna cinîya bi nameyê Xedîce Eloşa ke dewa Meşalê ya qezaya Şerayê ra ya qisey kerde û va: “Dewleta tirkî ya dagirker û çeteyê girêdayeyê aye mal û milkê hemwelatîyan talan kerdî, tarîxê ma rijnayî û dizîyê keda ma ya bi serran verê çimanê ma de vêşnayî. Dagirkerdişê Efrînî de waştî ke şarê kurdî qir bikerî. Wa Erdogan baş bizano ke şarê kurd qetî nîno çinkerdiş. Ma do bi xoverdayîş û têkoşînê xo biresî serkewtişî. Serkewtiş do bibo yê ma. 8 aşmî yo ke ma herra x ora dûrî yî. Cuye zehmet bîya.”

	&nbsp;

	'Ma de hêzê cinîya têkoşer ma de esto'

	&nbsp;

	Cinîya bi nameyê Zêneb Hesena ke dewa Beradê ya qezaya Şêrewa ra ya qiseykerdişê xo de wina va: “Homa Erdogan ra razî nêbo. Domanê ma çimanê ma ver de qetil bîyî, malê ma talan kerdî û ma ser de koçkerdiş ame ferzkerdiş. Wa Erdogan baş bizano ke hêzê cinîya têkoşer ma de esto. Ma nika Kampa Agêrayîşî de bi ca bîyî. Rayîrberîya xoser goreyê îmkananê xo hetkarî dana ma. Ma do heta peynî xover bidî.”&nbsp;