
'Wexto tewr xirab de mi têkoşîn da' 

2018-12-16 14:35:09


	&nbsp;

	DÊRSIM - Gulcan Bîtera ke seba dewa înan amî vengkerdiş, 13 serrî ya xo de koçberî nas kerde û metropolan de pêwa emrê qij de tekstîl de xebitya û hetê camêrdo ke ey dir zewicya rastî şîdetî amî. Gulcane dîyar kerde pêwa heme zor û zehmetîyan do fek xoverdayîşî ra vera nêdo.

	&nbsp;

	Gulcan Bîtera ke dewa girêdayê Pilûrî ê Dêrsimî de cuyane, 1994an de bi zor dewa ra ameyî vetiş û sey cinîyêke barê koçberî qijî ra da serê milê xo. Gulcane ke nika 37 serrî ya her wext vera caardişê teda û şîdetî xo ver daya.

	&nbsp;

	'Fermandar ame û va tîya terk bikerê'

	&nbsp;

	Gulcane dîyar kerde ke wexto ke koç kerdê 13 serrî bîya û wina va: "Dayîka mi, ma rê axurêke newe seba heywanan viraştibî. La rojêke fermandarê qereqole ame û va tîya terk bikerê. Dima ra ma koç kerd. Dima ra keyeyê ma ame rijnayîş. Ma mecbur mendî wendegeh terk bikerê. Ma Stenbol de fek wendegeh ra vera da. Ma tekstîl de xebityayî. Pêwa baro giran bi serran ma kedêke giran da. Ez 23 serîî de zewicyaya. Heta ke domanê mi virazyayî ez xebityaya."

	&nbsp;

	'Mi sere vera şîdetî nêtewêna'

	&nbsp;

	Gulcane tewr peyîn qiseykerdişê xo de arde ziwan ke, zewacê xo de çîyê tewr giran yê cinîyêke cuyaya û wina va: "Ez rastê şîdetê mêrdeyê xo ameya. Mi hem şîdetê fîzîkî hem zî yê psîkolojîk cuyaya. Mi qetî sere nêtewêna. Pêwa heme çî mi seba domananê xo, xo ver da."

	&nbsp;

	Gulcana ke serrêke verê ageyra Pilûr uca koperatîf de xebitya û uca de domananê xo eşrawena wendegeh. Gulcan wina vana: "Mi xo ver da. Ez xurt a û nika xeylê kêfweş û hizurin a."

	&nbsp;