'Domanî wa nêmirê' 

2018-12-15 14:12:49


	 

	Lîlav Elî

	 

	ŞEHBA - Domana bi nameyê Newroz Îsmaîla ke bîya şahidê zulm û hêrişan dîyar kerde ke aye wazena, êdî aştî mîyanê dinya de vila biba û wina va: "Domanî wa nêmirê û kêfweş bicuyê."

	 

	Domana 10 serrî ya bi nameyê Newroz Îsmaîla ke dewa Um Huşî de bîya û bîya şahidê zulm û hêrişê serê Efrînî va: "Wa êdî xeyalê domanan talan nêbê."

	 

	'Çeteyan tersêke pîl zerrîya domanan de awan kerdib'

	 

	Newroze dîyar kerde ke çeteyan verê çimanê înan de zulm ro şaran kerdêne û wina va: "Wexto ke  çeteyan dewa ma îşgalkerd, verê çimanê ma de îşkence merdiman rê kerdêne. Xeyalê ma talan kerdî. Ferqî nêkerdêne mabêne doman û pîlan. Zulm domanan rê zî kerdêne. Çeteyan tersêke pîl zerrîya domanan de awan kerdib. Verê çimanê domanan de sereyê merdiman tira kerdêne. Guneyî ma domanan çi yo ke Erdogan hende zulm bi ma keno? Rojêke ez vejîyeya teber û mi qazaxêke dabi xo ra, çeteyan mi ra va eke ti êdî no qazaxî bi dê xo ra, ma do bi to îşkence bikerê."

	 

	'Wa êdî xeyalê domanan talan nêbê'

	 

	Newroze wina va: "Wexto ke dayîke mi û ez ma vejîyayêne teber ma cilê derg dayne xo ra. Ma uca de wendegeh ra ameyî dûrvistiş. Ma nêeşkayne vejîyê teber. Hîn domanan zî perwerde kerdêne  ke înan rê xizmet bikerê. Çek dayne destê domanan û perwerdeyê çekdarî ramojnayî înan. Seba ke êdî ma nêeşkayne uca de îdare bikerdêne. Ma va ma do biremê. La reyke ma tepiştişî û îşkence bi ma kerdî. La ma reyna ma remayî. Nika ma Şehba de zehmetî ancenê la ma kêfweşê ke ma destê çeteyan ra ameyî xelisnayîş. Ez nêwazena domanî bimrê. Domanî wa nêmirê û kêfweş bicuyê. Wa êdî xeyalê domanan talan nêbê."