Şaredarîya Ehrezî de rengê cinîyan 2018-12-14 13:23:09   Lîlav Elî    ŞEHBA - Hemsereka Şaredarîya Qezaya Ehrezî Sîham Elî Elom dîyar kerde ke verê ke Şehba bêra xelisnayîş, cinî xeylê heqanê xo ra bêpar ameyne verdayîş la nika her warê de eşkenê bixebityê û wina va: "Cinî nika şaredarîye de xebityenê û rolêke bi çalak mîyanê xebate de kay kenê."   Verê ke Şehba çeteyan ra bêra xelisnayîş cinî hêrişê tewir bi tewir rî bi rî mendêne û heqê xo yê  meşrû ra bêpar ameyne verdayîş. La dimayê ke Şehba çeteyan ra amî xelisnayîş dima, cinîyan her warî de bi hawayêke çalak cayêxo girewtî. Yew warê ke cinî bi hawayêke çalak xebate meşnenê şaredarî ya. Têkildarî babete Hemsereka Şaredarîya Qezaya Ehrezî ya Şehbayî Sîham Elî Elome va: "Nika Şaredarîya Ehrezî de cinî zî warê xebatan de cayê xo gênê û eynî wextî de warê hemserekî de zî rolê xo kay kenê. Verê cinîyan nêeşkayne heqê xo bigîrê xo dest la nika cinî bi hewayêke çalak her warî de wayîrê rolêke taybet ê."   'Cinî bi her tewir şîdetî dir rî bi rî ameyî verdayîş'   Sîhame da zanayîş ke cinîyê Şehba her wext seba azadîya xo xo ver danê û wina va: "Cinîyê Şehbayî seba çeteyan zaf şîdet û zehmetî vînayî. Cinî her tewir şîdetî dir rî bi rî ameyî verdayîş. La nika na rewşe amî vurnayîş. Cinî êdî eşkenê bi hewayêke azad xo îfade bikerê. Nika Şaredarîya Ehrezî de cinî zî warê xebatan de cayê xo gênê û eynî wextî de warê hemserekî de zî rolê xo kay kenê. Verê cinîyan nêeşkayne heqê xo bigîrê la nika cinî bi hewayêke çalak her warî de wayîrê rolêke taybet de yê. Cinî nika şaredarî de zî xebityenê û rolêke çalak mîyanê xebate de kay kenê. Cinî şaredarî de beşê cîya de xebityenê."   'Şaredarî seba şarî xizmet kena'   Sîhame da zanayîş ke ê seba xizmetê şarî çi destê înan ra bêro kenê û wina va: "Şaredarî seba şarî xizmet kena. Ma hewl danê ke tu kêmasîyê şarî nêmano. Rayîrê ke çeteyan xira kerdib ma viraşt. Nika hîn xebatî dewam kenê. Heto bîn ra ma seba lazimîyê şarî yê zimistanî zî xebate kenê. Seba komelêke azad û averşîyaye ma do her wext xizmetê şarî de bê."