
Qayûmê Amedî cinîya makul xêz keno 

2018-12-13 15:43:13


	&nbsp;

	AMED - Badê ke qayûm tayînê Şaredarîya Bajarê Girdî ya Amedî bî qeza de zîhnîyetê xizmetê zayendperestî vejîya raşte. Wesayîtê ke eşteyê bajarî arê danî ser de fotografê cinîya ke destê aye de girrêşê pakî esta, ameyo zeliqnayene û seke tena cinî pakî kena yena nîşandayene.

	&nbsp;

	Prosesê hukmato bîyaye yê 16 serran de zîhnîyetê zayendperestî aver şî û no proses de hezaran hedîseyê îstîsmarî ameyî cuyayîş. Wesayîtê eşteyan yê xizmeta Mudirîya Karê Pakî ya Şaredarîya Bajarê Girdî ya Amedî wesayîtê eşteyan ser de fotografê cinîya ke destê aye de girrêşê pakî esta, daye zeliqnayene û rolê ke kolelî de cinîyan ser de ameyî ferzkerdiş ard vîr.

	&nbsp;

	Badê ke 96 şaredarîyanê Partîya Herêmê Demokratîkî (DBP) rê qayûm ameyî tayînkerdiş, komeleyê cinîyan ameyî padayîş û açarnayî cayê cîya cîyayan. Tayînkerdişê qayûmî ra dima xebatkarê girêdayeyê Serektîya Daîreya Xizmetê Keye û Cinî kar ra ameyî eştiş û faalîyetê 10 merkezanê cinîyan ameyî vindetiş. Sewbîna Xeta Alo Şîdet zî teslîmê camêrdan ameye kerdiş. Qayûmo ke tayînê Şaredarîya Bîsmîlî bî zî Merkezê Cinîyan ya Nûjenî açarna Daîreya Mehrbirnayîşî. Bazara Taxe ya Cinîyan zî bê tesîr ame veradayîş.

	&nbsp;

	16 serrê îqtîdarê AKPyî de hêrişê hemverê cinîyan zêdîyayî. Cinîyan hemverê her vatişî de vengê xo berz kerdî û îqtîdar zî hemverê qezencanê cinîyan de hêrişan kerd dewre. Wezîrê Weşî Mehmet Muezînoglu 2ê çeleyê 2015î de şîbî pêvînayîşê keyeyêk û vatbî ‘Ganî dayîkî vîşêrê dayîkbîyayîşî sewbîna ti çîyêk nêkerî merkezê xo. Ganî neslê baş bêrî resnayîş.’ Nê vatişî hîna zî mezgê heme kesan de yî. Serekkomar Tayyîp Erdogan zî her &nbsp;firsedî de vatişê ‘tewr kêm hirê domanî’ vano. No vindetişo ke cayê cinîyan tena keye û karê keye de vîneno, karê bêasayîş û bêsîstem cinîyan rê meşru vîneno.

	&nbsp;

	Badê ke qayûm tayînê Şaredarîya Bajarê Girdî ya Amedî &nbsp;bî qeza de zîhnîyetê xizmetê zayendperestî erzîya dewre. Wesayîtê ke eşteyê bajarî arê danî ser de fotografê cinîya ke destê aye de girrêşê pakî esta, ameyo zeliqnayene û seke tena cinî pakî kena yena nîşandayene.&nbsp;

	&nbsp;