Domanê Efrînî pêwa koçkerdişan û zehmetîyan xeyalanê xo gane verdenê 

2018-12-10 13:09:42


	 

	Tolîn Muhemed

	 

	ŞEHBA - Domanê mintiqaya Efrînî yê ke bi zor keye û wendegehanê xo ra ameyî koçkerdiş, Kantonê Şehbayî de pêwa zor û zehmetîyan Kampa "xoverdayîşî" terkê xeyalanê xo nêkenê û bi qûmaşan kayker xo rê viraznenê."

	 

	Heme şerê dinya de her wext domanî benê qurbanê sîyaset û wehşetê lêşin. Nimûneyê ci zî domanê Efrînî yê ke wehşetê dewleta tirkî serê mintiqaya Efrînî de kerdî qurbanê tewr pîl doman bî. Domanê Efrînî pêwa koçberî Kampa  xoverdayîşê bi îmkanê zehmet bi qûmaşan kaykerê xo viraznenê.

	 

	'Kaykerê ma diznayî'

	 

	Domana bi nameyê Lîne Koroya ke bi emrê xo yê 8 serre qisey kerd û wina va: "Ma zaf bêrîye Efrînî kerda, Efrîn de cuya ma bi kêf û aram derbaz bîne, ez bi embazanê xo dir ez şîne wendegehê xo, la Erdogan embazanê mi qetil kerdî, kaykerê ma diznayî, ma wazenê ageyrê Efrînê xo."

	 

	'Hîkayeyê ma hişê ma de yê'

	 

	Îsra Koro zî wina va: "Ma nika kampa xoverdayîş de bi ca bîyê, vera ke ma nika keyeyê xo de mîyanê kaykeranê xo de bê, ma herra xo ra koç bîyê. Nê kaykerê ke ma bi qumaşan viraştê dayîke mi ma rê hetkar bî. Efrîn de verê çimanê ma de Erdoganî embazanê ma qetil kerd, nêverda ke domanê Efrînî bi hizur bicuyê, la ma do ageyrê Efrîn û heyfê embazanê xo bigîrê. hîkayeyê Efrînî mezgê her domanêke Efrînijan de yenê cuyayîş."

	 

	Heto bîn ra domana bi nameyê Nede Elî zî wina va: "Ma sey domanê Efrînî qetî Efrîn xo vîr ra nêkenê, seba ke embazê ma û hîkayeyê ma Efrîn de yê. Erdoxan bi heme topanê xo hêrişê ma kerd û na rey zî bi zor ma de koçkerdiş. Wexto ke ma Efrîn ra vejîyayî, reyna bi teyeranê xo hêrişê ma kerdêne. Ma nika Kampa xoverdayîşî de xeyalanê xo dewam kenê û ma do bi nê kayanê xo ageyrê Efrîn."