Hêvîn Reşîde: Çareserîya problemê Sûrîye esasê asayîşê dinya ya 

2018-12-09 14:08:03


	 

	
		Lîlav Elî
	
		 
	
		ŞEHBA - Rayîrberîya Kampa Seserre ya Şehba Hêvîn Reşîde derheqê qewimîyayîş û problemanê Sûrîye de qisey kerde û va: “Seba ke problem û pêrodayîşê Sûrîye de biqedîyî, lazimî bi pîştîya ortax esta. Ganî heme dinya seberber biba. Çimkî çareserîya problemê Sûrîye zemînê asayîşê dinya ya.”
	
		 
	
		Pêrodayîşo ke bi serran o Sûrîye de yeno kerdiş hîna zî dewam keno. Girêdayeyê na rewşe problem û qewimîyayîşê xorî benî sebebê qetilkerdiş û bêasayîşê merdiman. Derheqê babete de Rayîrberîya Kampa Seserre ya Şehba Hêvîn Reşîde qisey kerde û arde ziwan ke hêrişê hemverê şarê kurdî û çaresernêkerdişê problemanê Sûrîye de projeyê Neteweya Demokratîke çareserî yo û va: “Hewldayîş û fikrê Rayber Apoyî yê seba çareserkerdişê problemanê Sûrîye xeylê muhîm î. La kesê ke nêwazenî çareserî pê bêro û şer peynî bibo, Rayber Apoyî tecrîd kenî.”
	
		 
	
		'Dewleta tirkî herra Sûrîye dagir kena'
	
		 
	
		Hêvîne dewamê qiseykerdişê xo de dîyar kerde ke seba çinkerdişê şerê Sûrîye seferberîyêko ortax muhîm o û wina domnaye: “Heme cîyayeyê ke Sûrîye de cuyenî hetê pawitişê heqanê xo de heqdar î. Ganî piştî bêra dayîş. La hêzê mîyanneteweyî û dewleta tirkî tena menfîetanê xo fikirîyenî û cok ra hêriş kenî. Dewleta tirkî herra Sûrîye dagir kena û nêwazena şer biqedîyo.”
	
		 
	
		'Tirkîye timî menfîetanê xo dima şona'
	
		 
	
		Hêvîne qiseykerdişê xo de bale ante polîtîkayê lêşinan yê dewleta tirkî ser û wina dewam kerde: “Bi taybet zî hêrişê kurdan kena. Hêrişê hemverê kurdan yenî mehneya bêtehemulîya qezencanê kurdan. Şarê kurd bi têkoşînêko gird nê qezencan qezenc kerd. Kesêk bi asanî nêeşkeno nê qezencan destê ma ra bigîro. Tirkîye timî menfîetanê xo dima şona û cok ra zî wehşîtîyê girdî şarê kurd ser de pê ana. Hemverê heme polîtîkayê lêşinan reyna şarê kurd çar parçeyê Kurdistanî de xo ver dana û do fek têkoşînê xo ra vera nêda.”
	
		 
	
		'Seba menfîetanê xo nêwazenî şer biqedîyo'
	
		 
	
		Hêvîne tewr peynî wina va: “Seba ke problem û pêrodayîşê Sûrîye de biqedîyî, lazimî bi pîştîya ortax esta. Ganî heme dinya seberber biba. Çimkî çareserîya problemê Sûrîye zemînê asayîşê dinya ya. Hewldayîş û fikrê Rayber Apoyî yê seba çareserkerdişê problemanê Sûrîye xeylê muhîm î. La kesê ke nêwazenî çareserî pê bêro û şer peynî bibo, Rayber Apoyî tecrîd kenî.”