Kiymeta ke 23 serrî yo edalet geyrena: Wa dewlete êdî şaşîya xo qebul bikera 

2018-12-08 09:50:00


	 

	AMED - Waya Fehmî Tosun ke 23 serrî verê bi wesayîtêke bi marka Renault ame remnayî û dima ra zanayîş ey ra nêame girewtiş, Kiymet Zengîne reaksîyon ramojna astengîyê vera çalakîyê Dayîkê Şemeyî û merdimê vindîbîyayeyan û dîyar kerde ke ganî dewlete êdî şaşîya xo qebul bikera.

	 

	Fehmî Tosuno ke dewa Çavundurê ke qezaya Amedî rê girêdaye Licê de cuyayne, seba tedayan koçê Stenbolî kerdib û 19ê teşrîna verêne 1995an de Avcilarê Stenbolî de bi zor wesayîtêke bi marka Renault yê plaka 34 UD 597 ame esparkerdiş û reyke bîn zanayîş ey ra nêame girewtiş.

	 

	Waya Fehmî, Kiymet Zengîne dîyar kerde ke pêwa ke muracatê heme rayîrê qanunî dayê zî tepiştişê Fehmî ameyo înkarkerdiş û wina va: "4 serrî dimayê birayê mi ez ameya tepiştiş û ser tehdîdê ‘Ma do to zî sey birayê to bikşê' kerdî. Ma dewa berd DMME."

	 

	Cinîya Fehmî Tosun, Hanim Tosune nika her hewte vejîyena Meydanê Galatasarayî û waya Fehmî Kiymet û keyeyê ey zî cigêrayîşê edaletê dewam kenê.

	 

	Kiymete dewamê qiseykerdişê xo de da zanayîş ke qedexekerdişê çalakîyê Amed û Stenbolî bêwijdanîyêke pîl o û persê ‘Çira kiştoxî nînê sucdarkerdiş, merdimê vindîbîyayeyan yenê sucdarkerdiş?' pers kerde.

	 

	‘Ez dewlete gerre kena'

	 

	Kiymete da zanayîş ke ganî kiştoxê birayê mi bêrê cezakerdiş û wina qedêna: "Birayê mi bi zor remnayî û vindî kerdî. Yê ke Fehmî vindî kerdî dîyar ê. Heta dewlete kiştoxan ceza nêkera ma do dewlete gerre bikerê. Ma do têkoşînê xo de bi israr ê."