'Destûr nêdanê ma cenazeyan defin bikerê' 

2018-12-07 14:07:31


	 

	MÊRDÎN - Latîfe Akyuze dîyar kerde ke cenazeyê biraza û tornê aye ke qedexeyê tebervejîyayîşê kuçeyan ê Nisêbîn de cuya xo vindî kerdê, goristana bêkesan ê Riha de yê û wina va: "Ma wazenê bîyarê serê herra xo de defin bikerê, la bi sebebê qedexeyî nêverdenê ma bîyarê."

	 

	Latîfe Akyuza ke qedexeyê tebervejîyayîşê kuçeyan ê Nisêbînî de tornê xo Mehmet Şîrîn Akyuz û birazayê xo Îbrahîm Akyuzî vindî kerde, dîyar kerde ke nimûneyê DNAyî ro ci ameyê, la seba ke destûr nêdanê, cenazeyî goristanê bêkesan ê Riha de yê.

	 

	Latîfeye da zanayîş ke her wirdî cenazeyî goristanê bêkesan ê Riha de yê û wina va: "Her wirdî zî heta qedexeyê peyîn zere de mendî. Îbrahîm taxa Zeynel Abîdîn û Mehmet zî taxa Abdulkadîrpaşa de cuya xo vindî kerd. Dimayê pêrodayîşan bi aşman ma cenazeyan geyrayî. Ma 6 aşmî verê cenazeyê Mehmet, di aşmî verê zî ê Îbrahîmî dî. Her wirdî zî goristanê bêkesan ê Riha de yê."

	 

	'Tu şerî de nê çî naêmeyê kerdene'

	 

	Latîfeye da zanayîş ke înan waştê cenazeyan Goristanê Haceca yê Nisêbîn de defin bikerê, la bi sebebê qedexe destûr nêameyo dayîş. Latîfeye wina va: "Tîya merdim heta cenazeyê xo defin kenê, xeylê çîyan cuyenê. Çîra destûr nêdanê? Ma wazenê serê herra xo de defin bikerê. Hêrişê goran kenê. Texrîb kenê. Ma no edalet o? Tu şerêke de wehşetêke wina nêameyo vînayîş."