'Bi sîstemê hemserekî ganî temsîlkarîyê cinîyan ê tewr xurt vejê meydan' 

2018-12-07 13:35:08


	 

	Gulîstan Azak

	 

	AMED - Verfeka HDKî û parlamentera HDPî ya Muşî Gulîstan Kiliç Koçyîgîte bale ante ser girîngîyê temsîlkarê cinîyan ê sîyasetê pêroyî û mintiqa de û da zanayîş ke partîya ke no daye tewr zêde yê HDPî û çareserîyê problemê temsîlkarîyê cinîyan HDPî de yo.

	 

	Verfeka HDKî û parlamentera HDPî ya Muşî Gulîstan Kiliç Koçyîgîte bale ante ser girîngîyê temsîlkarîya cinîyan ê warê sîyasetî de û derheqê babete de şîrove kerde.

	 

	Gulîstane da zanayîş ke nîmeyê komelî cinî yê û no semed ra temsîlkarîyê cinîyan zaf girîng o û wina va: "Cinîyan zî mîyanê xo de têkoşînêke pîl awan kerdê. Yê ke baro tewr giran dayê serê milê xo cinî yê. Heta cinî sîyaset de bibê do sîstemo serdest ê camêrdan zî bêro rijnayîş, sîstemo têduşt ê azadîya cinîyan bêro awankerdiş. Girîngîyê temsîlkarîyê cinîyan ma partîya xo de vîna. Wexto newe tevgerê sîyasî yê Kurd ameyê destpêkerdiş ma reyna cinîyan vînenê. La nê xurtbîyayîş dima ra ame meydan. Roj bi roj cinî xurt bî. Her ke cinî xurt bî, pêroyî de komel zî nê ra tesîr bî. Her ke cinî xurt bî sîstemê azadî zî xurt bi."

	 

	'Mabêne HDP û tifaqê AKP-MHPî de cîyayêke pîl esto'

	 

	Gulîstane arde ziwan ke bi tifaqê AKP-MHPî hewl yeno dayîş ke komelêke newe bêro dîzaynkerdiş û no komelo ke hewl yeno dayîş bêro awankerdiş ca nêdanê cinîya azad e û wina va: "Tifaqê AKP-MHPî azadîyan rê tehemul nêkenê. Tewr zêde zî vera cinîyan tehemul nêkenê. Wexto ke merdim nê vîneno girîngiyê ke HDP dano cinîyan xeylê baş yeno famkerdiş. Mabêne HDP û tifaqê AKP-MHPî de cîyayêke pîl esto. AKP-MHP destê muhakemekerdişî ra vernê de verê xo danê cinîyan û no zî tesaduf nîyo. Hêzê cinîyan wayîrê hêzê ke eşkeno şorişê komelî bi tesîr bikero yo. Ganî cinî vera polîtîkayê şîdetî, rêxistinbîyayîşê xo warê sîyasetî de tewr xurt bikerê. No het ra bi sîstemê hemserekî ganî temsîlkarîyê cinîyan ê tewr xurt vejê meydan."