Cinîyê Qamişlo yê ke karê ramitişî kenê: Keda destan pîroz a 

2018-12-07 12:56:11


	 

	Rojda Seyidxan

	 

	QAMIŞLO - Cinîyê Qamişloyî ê ke bi ramitişî debara xo kenê vanê: "Wexto ke ma bi keda destê xo debara xo kenê bawerî û hêzê ma tewr zêde beno."

	 

	Pêwa zehmetîyê zimistanî cinîyê Qamişloyî ê ke debara xo bi ramitiş kenê, dîyar kenê ke keda destan pîroz a û wina vanê: "Seba ma hêvîya xo ya cuye vindî nêkerê ma xebate kenê. Ma xebate û xoza ra tewr hes kenê."

	 

	'Xebate û xoza hêz dana ma'

	 

	Menal El-Elî ya ke taxa Hilko ya Qamişloyî de cuyena wina va: "Bi 3 serrî yo ez û kêna xo mîyanê baxçe de xebityenê. Ma pîyanz, nane, bexdenûs çînenê û dima ra ma danê yewbînan. Ma tîya bi rengêke hempar xebityenê û hetkarîya yewbînan kenê. Xebate û xoza hêz dana ma. Ma wazenê heme cinî bixebityê û hêz û bawerîya xo zêde bikerê."

	 

	'Ma xebate û xoza ra zaf hes kenê'

	 

	Heto bîn ra karkera bi nameyê Hala El-Elî serê karê xo yê rojane de qiseykerde û va: "Ez û embazê xo pîya xebityenê. Bi kêfweşî ma saete  07.00an de yenê kar û heta saet 4ê şan de manenê. Waştişê mi o yo ke heme cinî bi xebat û hewldayîşê xo hetkarîya keyeyê xo bikerê. Cinîyê ke xebityenê û hetkarîya komelî kenê hetê psîkolojî de xo tewr baş hîs kenê. Wexto ke ma bi keda destê xo debare xo kenê bawerî û hêzê ma tewr zêde beno. Seba ke ma hêvîya cuya xo vindî nêkerê ma xebityenê. Ma xebate û xoza ra zaf hes kenê."