Mamostaya ke ameye ixrackerdiş: Şaredarîya Bajarê Girdî ya CHPyî îxracan tesdîq kena 

2018-12-06 14:00:52


	 

	ÎZMÎR - Kedkera perwerdeyî ke bi KHK amî îxrackerdiş Ebru Dînçere dîyar kerde ke şaredarîya Bajarê Gird ya Îzmîrî caardişê ke îqtîdar tesdîq keno ca ana û wina va: "Ewil qertê ma yê vurnayîşî betal kerdî. Ma namzedê şaredarî ra wazenê ke derheqê heme kedkarê ke ameyê îxrackerdiş de xebatan bimeşnê.”

	 

	Mamoste Ebru Dînçere arde ziwan ke hemşaredarîyê Bajarê Gird ya Îzmîrî nizdîbîyayîşêke îqtîdarî ramojnenê. Ebruye da zanayîş ke Îzmîr de nêzdîyê 200 kedkarî girêdayê KESKî û xeylê kedkarê ke ameyî îdîakerdiş endamê FETO nêameyî îxrackerdiş û senîn îxrac ameyî kerdene şaredarîya Bajarê Gird ya Îzmîrî ewil qertî (KentKart) betal kerdî. 

	Ebruye dewam de da zanayîş ke kedkarê girêdayê Egîtîm Senî seba perwerdeyê bêpere û zanist waştiş kerdê ameyê îxrackerdiş û çîyo ke şaredarî kerdo zî damgayê ‘terorîst’ ê AKPyî tesdîq kerdê.

	 

	'Ganî xizmetêke têduşt bêro dayene'

	 

	Ebruye dewam de wina va: “Xeylê kesê ke ameyî îxrackerdiş seba krîzê ekonomî domanê xo sazgehê perwerdeyî girewtî. Yê ke wazenê Îzmîr îdare bikerê seba domanan kreşê baş û erjan abikerê. Waştişê ma no yo. Merkezê CHP yê ciwanan tena xizmet dano ciwanê CHPyî. Ganî seba doman û ciwanan qadê cuyayîşî bêrê akerdene. Ganî xizmetêke têduşt bêro dayene."

	 

	'Ganî stargeh bêrê akerdene'

	 

	Ebruye tewr peyîn qiseykerdişê xo de bale ante ser xebatê cinîyan ê Îzmîrî û va hûmara stargehan zaf tayê û cinî hetê asayîşî de xo nêeşkenê biresnê cayêke, ganî seba cinîyan stargeh bêrê akerdiş. Verê nê de arde ziwan ke seba welatîyê astengdar zî faaliyetê komelî bêrê zêdekerdiş û îmkanê vurnayîşî bêrê dayîş.