5ê Kanûne Roja Heqê Cinîyan: Ganî heqê ma tena serê kaxite de nêmanê 

2018-12-05 12:58:09


	 

	Rengin Azizoğlu

	 

	WAN - Endama OHPî Avûkat Dîlan Kunt Ayane arde ziwan ke heqê cinîyan ke ameyê bidestkerdiş  ganî tena serê kaxite de nêmanê û va ke seba nê heqî ca bigîrê ganî hewl bêro dayîş.

	 

	5ê Kanûnê Roja Heqê Cinîyan seba problemê cinîyan rojeve de vejîyê vernî û seba derheqê babete de cîyayêke bêro kerdene û seba çareserîyan girîng o. Tirkîya de zî 5ê Kanûna 1934an de cinî bî wayîrê heqê weçînnayîşî û 1935an de 18 parlamenter ameyî weçînayîş. A roje ra heta nika 5ê Kanûne Tirkîya de "5ê Kanûne Roja Heqê Cinîyan" yena qebulkerdene. Endama Platformê Huqûqnasê Azad (OHP) û endama Komîsyonê Heqê Cinîyan ê Buroya Wanî Avûkat Dîlan Kunt Ayane derheqê heqê cinîyan û hêrişê serê cinîyan de şîrove kerde.

	 

	'Ma do heqê xo yê ke qezenc kerdî nêdê tu kesî'

	 

	Dîlane va: "Bi serran o ke vera heqê cinîyan de hêriş pîl estê. Qanûno 6284 seba pawitişê heqê cinîyan girîng o la demê peyîn de hêrişê pîl vera no qanûnî estê. Proseso tewr peyîn de nafaka zî rojeve de cayêke girîng girewte. Ma do heqê xo yê ke qezenc kerdê nêdê tu kesêke. Heqê cinîyan tena serê kaxite de yenê verdayîş. Heqê cinîyan ê pawitişî destê înan ra yeno girewtene. Ganî cinî û komel heme seba pawitişê heqan bêrê perwerdekerdiş. Ganî ma heme cinî bi heme hêzê xo bixebityê û têkoşîn bikerê. Ganî ma qanûnê xo yê 6284 tewr xurt ramojnê ra. Wexto ke qayûm ame tayîykerdiş heme sazgehê cinîyan ameyî padayîş. Seba ma heqê cinîyan bi înan bidê naskerdiş û bipawê ganî ma heme pîya têkoşîn bikerê."

	 

	'Ma do avûkatîya heqê cinîyan bikerê'

	 

	Dîlane da zanayîş ke hêrişê vera heq û destkewtişê cinîyan dewam keno û wina va: "Heta 5ê Kanûna serra ke bêra hedefê ma yewin pawitişê heqê cinîyan o. Ma qebûl nêkenê ke heqê cinîyan ê ke ameyê bidestkerdiş tena serê kaxite de bimanê. Ma do heta peynî heqê cinîyan bipawê û vera heme hêrişan vinderê."