
'Bêvengîyê meclîsî vera aştîye yo' 

2018-12-04 14:28:16


	&nbsp;

	Dilan Babat&nbsp;

	&nbsp;

	
		ENQERE - Parlamentera HDPî ya Agirî Dilan Dîrayet Taşdemîre bale ante ser grevê vêşanî ke &nbsp;10 parlamenter do meclîs de dest pêbikerê û va: "Ganî tecrîd bêro peynîkerdiş û meclîs rol û mîsyonê xo yê derheqê na babete de baş kay bikero."
	
		&nbsp;


	Hemsereka KCDî û parlamentera HDP'î ya Colemêrgî Leyla Guvene bi amancê wedartişê tecrîdê giran ê Rayberê PKKî Abdullah Ocalanî dest bi grevê vêşanî kerde û kewte roja xo ya 27an. Ewro dimayê kombîyayîşê komî yê meclîsî pêwa Hemsereka Pêroyî ya HDPî Pervîn Buldane &nbsp;10 parlamenterî seba hîrê rojan dest bi grevê vêşanî bikerê. Parlamentera HDPî ya Agirî Dîlan Dîrayet Taşdemire derheqê babete de şîrove kerde.

	&nbsp;

	'Ganî ma maddeyê ke Leyla Guvene bale ancena bivînê'

	&nbsp;

	Dîlane wina va: "Leylaye seba bale bianco serê huqûqo ke binê lingan de ameyo pelçiqnayîş û problemê Tirkîya bi rayîrê demokratîk bêrê çareserkerdiş dest bi çalakîya grevê vêşanî kerda. Ganî ma maddeyê ke Leyla Guvene bala ancena ma bivînê. Leyla na çalakî tena seba şexsê xo nêy, seba heme kesê ke aştî û azadî wazenê kena. Ma bi bêhiqûqîyêke pîl dir rî bi rî yê. Tecrîdê serê Birêz Ocalanî tecrîdêke rêze ra nîyo. Huqûqê mîyanneteweyî bi tepiştiş û tecrîdkerdişê Birêz Ocalan ame pelçiqnayîş. Ganî ma sey komel çalakîya Leylaye wayîr vejîyê. Lazimî fikrê seba çareserkerdişê yê Birêz Ocalan estê. Coka ma do heta peynî piştdayîş bidê na çalakî."

	&nbsp;

	'AÎHM û CPT vurnayî sazgehê ke muhteweya ci ê veng'

	&nbsp;

	Dîlane arde ziwan ke ganî serdemê girîng de AÎHM û CPT bêveng manenê û no nîno qebulkerdiş û wina va: "Ardişê Birêz Ocalanî ê Tirkîya bêhuqûqî yo. AÎHM û CPT vurnayî sazgehê ke muhteweyaê tercîh kenê. Ganî parlamentoyê Tirkîya bale xo bidê çalakîya Leyla Guvene ser. Bêvengîyê meclîsî vera aştî yo. Ganî tecrîd bêro peynîkerdiş û meclîs rol û misyonê xo yê derheqê na babete de baş kay bikero."

	&nbsp;

	&nbsp;