'Ganî dinya wezîfeyê merdimîye bica biyara'  

2018-11-14 15:25:32


	 

	Berçem Cûdî

	 

	KOBANÊ - Endama Komîteya Têkilîyan ya PYDyî Cengîn Hesene derheqê prosesê peyîn yê Rojawanî ser o û qisey kerde û va: “Heme hêzê îqtîdarî seba menfîetanê xo siyaset kenî û hêrişê kurd û herra kurdan kenî. Ganî dinya vera nê hêrişan de reaksîyon nîşan bida. Ganî dinya wezîfeyê merdimîye bica biyara.”

	 

	Hêrişê dewleta tirkî û komê girêdayeyê aye yê Rojawanî ser o dewam kenî. Endama Komîteya Têkilîyan ya Partîya Yewîya Demokratîke (PYD) Cengîn Hesene derheqê prosesê peyîn û hêrişanê dewleta tirkî û komê girêdayeyê aye yê Rojawanî ser o qisey kerde. Cengîn Hesene qiseykerdişê xo de bale ante rojeva peyên û hêrişanê Rojawanî ser o û wina va: “Ma nika prosesêk hesas ra derbaz benî. Hêrişê dewleta tirkî û bêvengîya rêxistinê mîyanneteweyî do proses hîna zehmetin bikerî. Ma hewl danî nê hêrişan rê bibî cewab û vengê xo dinya de bigî eşnawitiş.”

	 

	'Şar bi îradeya xo cewab dano'

	 

	Cengîn Hesene dewamê qiseykerdişê xo de qala xebatan kerde û dîyar kerde ke ê xebatanê kultur, huner, siyasî û rêxistinî meşnenî û wina domnaye: “Şarê kurd bi îradeya xo cewab dano tehdît û zextê dewleta tirkî û çeteyê girêdayeyê aye. Fînaka na rewşe Efrîn de ameye dîyiş. Dewleta tirkî, çeteyê girêdayeyê aye û hêzê ke piştî danî înan Îdlib û Rojawanê Kurdistanî ser o bazarîyanê lêşinan kerdî. Nînan seba menfîetanê xo cuyenî.”

	 

	'Domanan qetil kenî'

	 

	Cengîn Hesene qalîkerdişê xo yê peyênan de wina va: “Dewleta tirkî û çeteyê aye hêrişê Kobanê û Grê Spî kenî. Domana 7 serrî Saraye qetil kerdî. Domanan qetil kenî, la kesêk vengê xo no wehşîtî ra nêkeno. Ganî komele, dezge û mehkemayê mîyanneteweyî yê ke pawitişê heqê domanan kenî reaksîyon nîşan bidî. Ganî pêroyê dinya wezîfeyê xo bica bîyara. Ma nika prosesêko hesasin ra derbaz benî. Hêrişê dewleta tirkî û bêvengîya rêxistinê mîyanneteweyî do proses hîna zehmetin bikerî. Ma hewl danî nê hêrişan rê bibî cewab û vengê xo dinya de bigî eşnawitiş.”