Colemerg de piştdayîş seba Leyla Guvene 

2018-11-10 14:48:19


	 

	COLEMÊRG - Rêxistinê HDP û DBPî yê qezayê Şemzînan û Geverî seba piştdayîşê çalakîya grevê vêşanî ya Hemsereka KCD û Parlamentera HDPî ya Colemêrgî Leyla Guvene veng dayî.

	 

	Rêxistinê Partîya Demokratîke ya Şaran (HDP) û Partîya  Herêmê Demokratîkî (DBP) yê qezayê Gever û Şemzînanî, bi amancê piştdayîşê çalakîya grevê vêşanî bêdem û bêdor ê Hemsereka Kongreya Komelê Demokratîkî (DTK) û  Parlamentera HDPî ya Colemêrgî Leyla Guvene, awanîyê HDPî yê Şemzînan de kombîyayîşê çapamenîye kerdî.

	 

	Parlamenterê HDPî yê Colemêrgî Saît Dede, xeylê îdarekar û endamê partîyan beşdarê kombîyayîşî bî. Saîtî kombîyayîş de qisey kerd û va: "Baajar de seba ray girewtişî Leylaye rekor şikna. Ganî ma wazenê Leylaye bêra verdayîş. Nimûneyê veradayîşê Mûstefa Balbay, Enîs Berberoglu û Sebahat Tuncel meydan de yê. Tepiştişê Leylaye qanûnî nîyo. Dewlete nika qanûnê xo înkar kena."

	 

	Saîtî tewr peyîn va ke ganî Leylaye serbest bêra veradayene û wina va: "Ma piştdayîş danê Leyla û ganî heme waştişê aye bêrê qebulkerdene. Ma veng danê heme raya pêroyî ke piştdayîş bidê Leyla."